Franca thirrje Kosovës të përmbahet nga ndërmarrja e veprimeve të njëanshme
Read Time:54 Second
Franca u bënë thirrje autoriteteve të Kosovës të përmbahen nga ndërmarrja e ndonjë veprimi të njëanshëm, i cili mund t’i përshkallëzojë tensionet në veri të vendit, pas synimeve për rihapjen e urës mbi Ibër.
“Franca dënon fuqishëm rritjen e veprimeve të njëanshme të autoriteteve të Kosovës në veri të vendit që ndikojnë në jetën e përditshme të komunitetit serb. Këto veprime rrezikojnë përpjekjet për normalizimin e marrëdhënieve me Serbinë, të cilat janë parakushte për anëtarësimin e ardhshëm të dy vendeve në BE”, thuhet në komunikatën e publikuar në faqën e Ministrisë për Evropë dhe Punë të Jashtme të Francës.
Në komunikatë theksohet se shteti francez inkurajon Kosovën dhe Serbinë që të kthehen në bisedime dhe të avancojnë në zbatimin e marrëveshjes së Ohrit.
“Franca u bën thirrje autoriteteve të Kosovës që të përmbahen nga çdo veprim i njëanshëm i ardhshëm që do të përkeqësonte më tej tensionet. Ai inkurajon dy palët që të kthehen në tryezën e bisedimeve nën kujdesin e Bashkimit Evropian në mënyrë që të bëjnë përparim drejt zbatimit të marrëveshjes së Ohrit”, thuhet tutje në komunikatë.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating