Gerald Knaus: Letra e treshes evropiane u dërgua para letrës së qeverisë kosovare
Read Time:59 Second
Gerald Knaus, nga Iniciativa Evropiane për Stabilitet ka sqaruar se letra që liderët evropianë i kanë dërguar letër kryeministrit Albin Kurti lidhur me rrugën e anëtarësimit të Kosovës në Këshillin e Evropës është dërguar para letrës së sotme që iu dërgua Këshillit të Evropës nga qeveria e Kosovës.
Ai ka theksuar se letra kishte për qëllim të tregonte rrugën më të mirë të zgjidhjes së çështjes së Asociacionit të Komunave me Shumicë Serbe.
“Kjo letër është dërguar para letrës së sotme nga qeveria e Kosovës, duke ofruar rrugën më të mirë drejt zgjidhjes së çështjes së Asociacionit njëherë e përgjithmonë këtë maj. Është e qartë se çdo draft-statut i Asociacionit duhet të plotësojë kriteret e Këshillit të Evropës. Ajo që ofroi Kosova sot i plotëson ato dhe mund të dërgohet në Gjykatën Kushtetuese.
“Ideja në Beograd që Serbia duhet të miratojë çdo Asociacion do t’i jepte Serbisë një veto për përparimin e Kosovës dhe thjesht do të siguronte që asgjë nuk do të ndodhë kurrë. Gjë që natyrisht është ajo që liderët serbë thonë se duan: Kosova “kurrë nuk duhet të anëtarësohet” në Këshillin e Evropës”, ka shkruar Knaus në platformën “X”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating