
Hapen për qarkullim pikat kufitare Jarinje dhe Bërnjak
Policia e Kosovës (PK), bazuar në autorizimet kushtetuese dhe ligjore në vazhdimësi ka bërë vlerësime mbi situatën e sigurisë në veri të vendit, e cila ishte përkeqësuar që nga data 10.12.2022 kur ishin vendosur barrikadat në rrugë, si pasojë e të cilave ishin mbyllur edhe dy pikë-kalimet kufitare Jarinje dhe Bërnjak.
Bllokimi i kundërligjshëm i rrugëve, sulmet e kryera ndaj institucioneve të sigurisë, mediave dhe qytetarëve, kishin ndikuar në përkeqësimin e situatës dhe në vështirësimin e jetës së qytetarëve të asaj zone të cilët nuk kanë mundur të kenë lëvizje të lirë si dhe nuk e kanë pasur qasjen e lehtë në shërbimet e tyre të nevojshme.
“Edhe përkundër rrethanave të krijuara, Policia e Kosovës ishte angazhuar në të gjitha format që t’u dalë në ndihmë kërkesave dhe nevojave të qytetarëve pa dallim, si dhe të mbajë rendin e sigurinë publike. Bazuar në informacionet e deritanishme, është bërë largimi i barrikadave në formën siç ato ishin vendosur, dhe pas kësaj është vlerësuar edhe hapja e dy pikë-kalimeve kufitare Jarinje dhe Bërnjak, të cilat sot (30.12.2022) në orët e pasditesjanë hapur për qarkullim”, njofton policia.
Zyrtarët policorë në veri të vendit dhe në këto dy pikë kalime kufitare, do të vazhdojnë me realizimin e detyrave dhe autorizimeve ligjore në interes të rendit publik dhe kushtetues.
“Liria e lëvizjes së lirë, parandalimi i akteve kriminale dhe ofrimi i sigurisë janë në dobi të të gjithë qytetarëve dhe për këtë Policia e Kosovës në vazhdimësi do të angazhohet duke bashkëpunuar ngushtë me institucionet vendore dhe ndërkombëtare”, thuhet në komunikatën e Policisë së Kosovës.
Më shumë storie
Hagë: Nesër vendimi për aktakuzën ndaj ish-krerëve të UÇK-së, mbrojtja kërkon rrëzimin e disa pikave
Të mërkurën pritet një ndër vendimet e rëndësishme në procesin gjyqësor ndaj ish-krerëve të UÇK-së. Gjykata do të vendosë nëse...
Ministria e Mbrojtjes: FSK pajiset me autoblinda nga SHBA-ja
Ministria e Mbrojtjes ka konfirmuar se ka blerë autoblinda për Forcën e Sigurisë së Kosovës, prodhim të Shteteve të Bashkuara...
KF Drita shkëlqen në Prishtinë, fiton ndaj Differdange
Skuadra kampione e Kosovës, Drita, ka marrë fitore në përballjen e parë kundër Differdange nga Luksemburgu, në kuadër të raundit...
Policia e Kosovës sqaron rrethanat e rastit të vdekjes së 27-vjeçarit në Lipjan
Policia e Kosovës përmes një komunikate për media ka sqaruar rrethanat e rastit ku vdiq një 27-vjeçar në Lipjan pas...
Kosova nuk mund të mbetet peng i një partie politike, është koha për përgjegjësi shtetërore
Nga: Ramiz TAFILAJ Kosova gjendet në një situatë kritike. Pas zgjedhjeve të fundit parlamentare, Kuvendi i Republikës së Kosovës nuk ka...
Nga takimi Kurti me liderët, s`ka kompromis për dalje nga ngërçi
Takimi i thirrur nga kryeministri në detyrë dhe lideri i VV-së, Albin Kurti, me krerët e partive politike, përfundoi pa...
Average Rating