Jeff Hovenier: Askush të mos harrojë apo mohojë atë që ndodhi në Reçak
Në 24 vjetorin e Masakrës së Reçakut ka shkruar edhe ambasadori i Shteteve të Bashkuara të Amerikës në Kosovë, Jeff Hovenier. Në Twitter, diplomati amerikan sjell në kujtesë fjalinë antologjike të Martin Luther King-ut, i cili ka thënë se “Kudo që ndodhë padrejtësia, ajo është një kërcënim për drejtësinë”.
“Ne besojmë se të gjithë njerëzit, pa dallim etnie apo feje, e meritojnë dinjitetin e të jetuarit në liri dhe siguri. Padrejtësia kudo është një kërcënim për drejtësinë kudo” – Dr. Martin Luther King”. Këtë fjali e ka shkruar Hovenier, duke sjellë një fotot nga Reçaku që kishte bërë vitin e kaluar.
“Të përulur për të përfaqësuar popullin amerikan për të nderuar dhe kujtuar ata që humbën jetën në Reçak 23 vjet më parë. Askush të mos harrojë apo mohojë atë që ndodhi: vrasjen brutale të civilëve të pambrojtur”, ka shkruar një vit më parë diplomati amerikan.
Kujtojmë se në Reçak, në Kompleksin Memorial, tashmë kanë nisur homazhet në nderim të 41 civilëve shqiptarë, që u vranë e masakruan nga regjimi serb i Millosheviqit. Nderime kanë bërër edhe presidentja Vjosa Osmani, kryeparlamentari Glauk Konjufca dhe kryeministri Albin Kurti.
