Josep Borell: Hap pozitiv vendimi i Kosovës dhe Serbisë për targat
Read Time:1 Minute, 0 Second
Bashkimi Evropian ka përshëndetur vendimet e Kosovës dhe Serbisë për të njohur zyrtarisht targat e automjeteve si dhe për të shfuqizuar regjimin e letrave ngjitëse.
Në komunikatën e nënshkruar nga përfaqësuesi i lartë i BE-së për politikë të jashtme dhe siguri, Josep Borrell thuhet se vendimet e Prishtinës dhe Beogradit janë hapa pozitiv në zbatimin e Marrëveshjes për Rrugën e Normalizimit, si dhe në angazhimet e kaluara të Dialogut lidhur me Lirinë e Lëvizjes.
Qeveria e Serbisë vendosi të lejonte lëvizjen e lirë të makinave me targa Republikës së Kosovës filluar nga 1 janari I këtij viti, Ndërsa më 4 janar Qeveria e Kosovës gjithashtu vendosi që të heqë regjimin e letrave ngjitëse për makinat me targa të Serbisë.
“Këto Vendime tregojnë se është i mundur përparimi në avancimin e normalizimit të marrëdhënieve ndërmjet Kosovës dhe Serbisë dhe theksojnë rëndësinë e vazhdimit të punës në kuadër të Dialogut të lehtësuar nga BE-ja”, thuhet në deklaratën që e ka publikuar Josep Borrell.
Shefi i diplomacisë evropian ka precizuar gjithashtu se vendimet për njohjen e targave të automjeteve kontribuojnë edhe në integrimin më të mirë rajonal dhe evropian të Ballkanit Perëndimor, nga i cili, sipas tij, përfitojnë qytetarët e rajonit.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating