Josep Borrell: Shpresoj se më 17 shkurt palët do ta pranojnë planin franko-gjerman
Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell ka folur për takimin e ardhshëm në Bruksel ndërmjet kryeministrit të Kosovës, Albin Kurti dhe presidentit të Serbisë, Aleksandër Vuçiq me 27 shkurt, duke shpresuar se palët do ta pranojnë planin franko-gjerman.
Në një intervistë për “Deutsche Welle”, ai ka thënë se takimi i 27 shkurt do të jetë një ditë me plot diskutime dhe është shprehur optimist për këtë takim.
“I kam ftuar ata të vijnë për të pasur një ditë të plotë me diskutime, sepse është një propozim në tryezë. Shpresoj që ata të jenë në gjendje ta pranojnë këtë propozim si rrugë për t’i normalizuar marrëdhëniet mes tyre”, është shprehur Borrell.
Ky i fundit gjatë Konferencës së Sigurisë në Munih është takuar me presidentin serb Aleksandar Vuçiq dhe kryeministrin e Kosovës, Albin Kurti.
Ndryshe këtij takimi i ka parapritë një ofensivë diplomatike ndaj Beogradit dhe Prishtinës për të pranuar planin franko-gjermane si bazë të negociatave. Kryeministri Kurti tashmë ka dhënë sinjal se e pranon këtë plan, si një bazë e mirë për të ecur përpara me procesin e dialogut.
