Kamberi letër edhe Vuçiqit: Personeli shëndetësor në Preshevë duhen të punësohen
Read Time:1 Minute, 17 Second
Shaip Kamberi, deputet në Kuvendin serb po vazhdon të këmbëngulë për pranimin në punë të punëtorëve shëndetësor të angazhuar gjatë pandemisë, duke theksuar se s’ka tjetër alternativë
Qeveria e Serbisë kishte aprovuar vendimin që të gjithë punonjësit shëndetësor që kishin punuar vullnetarisht përgjatë pandemisë të pranohen në punë të rregullt. Mirëpo ky vendim nuk po zbatohet vetëm në komunën e Preshevës. E me këtë problematikë seriozisht po mirret deputeti Shaip Kamberi i cili për këtë diskriminim ka njoftuar ambasadat e huaja në Beograd, i ka shkruar letër kryeministres së Serbisë, Ana Bernabiq dhe tani së fundmi gjithashtu i ka shkruar letër edhe presidentit të Serbisë, Aleksandar Vuçiq ku e ka njoftuar me këtë padrejtësi ndaj shqiptarëve.
“Para vitit të ri, me shkresë, i jam drejtuar kryeministres Ana Brnabic, ku kam kërkuar ndërmarrjen e hapave për punësimin e stafit mjekësor në Preshevë, të cilët janë angazhuar përgjatë pandemisë!
Tani, pas vitit të ri , përmes një shkrese, kërkesë të njejtë i kam bërë edhe Presidentit Aleksandër Vucic, që diskriminimi ndaj profesionistëve shqiptar në Preshevë të ndërpritet, e t’i jepet e drejta sikur në çdo vendbanim tjetër të gjithë atyre që kanë rrezikuar jetën për t’ju përgjigjur detyrës në një kohë të vështirë!
Për këtë çështje janë njoftuar edhe organet relevante ndërkombëtare, duke synuar që mos të lejojmë diskriminimin e të kërkojmë barazinë!” ka deklaruar deputeti Shaip Kamberi
Kamberi ka treguar vendosmëri se “këtë të drejtë nuk do pushojmë së kërkuari, deri në realizim. Betejën për të gjithë shqiptarët e Luginës së Preshevës do e vazhdojmë, përditë”
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating