Home » Lajme, Vendore » Kryetari Musliu takoi artistët nga gjitha trevat shqiptare

Kryetari Musliu takoi artistët nga gjitha trevat shqiptare

Musliu me  artistët nga gjitha trevat shqiptareNë selinë e Këshillit Kombëtar Shqiptar (KKSH) në Bujanoc, kryetari Jonuz Musliu priti në një takim të përbashkët Koloninë e artistëve nga gjitha trojet shqiptare.

“Ju jeni, jo thjesht njerëz të profesionit, por ambasador të kulturës, me çrast po vendosni në qendër të vëmendjes edhe këtë pjesë të trojeve shqiptare. Unë mbetem me shpresë që Lugina e Preshevës të vizitohet më shpesh dhe të senzibilizohet opinioni mbarëkombëtar me çështjen e Luginës së Preshevës” nënvizoi kryetari Musliu.

Qëllimi i këtij aktiviteti të Kolonisë së artistëve që merren me pikturën është promovimi i artit dhe kulturës Shqiptare si dhe më gjerë, ruajtja dhe zhvillimi i identitetit, ruajtja e trashëgimisë kulturore si dhe nxitja dhe zhvillimi i marrëdhënieve ndërkulturore.

Tashmë ky aktivitet për Luginën e Preshevës është tradisional ku artistët kanë përshëndetur dhe falimenderuar KKSh-në për mbështetjen që po jep në vazhdimësi.

Me këtë rast kryetari Musliu duke i dhënë mbështetje theksoi se “duhet të vazhdohet me këto përpjekje artistike, sepse gjuha e artistëve jo vetëm si piktur, përçonë mesazhe inkurajuese për shqiptarët e këtushëm”.

 

Bujanoc, 11.09.2015                                                     Shërbimi për informim i KKSH-së

KN-Kumtese 11092015-2

Leave a Reply

You must be Logged in to post comment.

© 2021 Kosovalindore.com · RSS · Designed by Theme Junkie · Powered by WordPress
ShqipEnglishDeutsch