Kurti: Aq sa na bashkon historia, gjuha e kombi, aq na lidhë bashkëpunimi
Read Time:57 Second
Kosova dhe Shqipëria sot, në Prishtinë, mbajtën mbledhjen e përbashkët, të tetën me radhë.
Në një prononcim përmes rrjetit social kryeministri Kurti njoftoi se mbledhjen e tetë të përbashkët të Qeverisë së Republikës së Kosovës dhe Qeverisë së Republikës së Shqipërisë e mbajtën në Prishtinë.
Ai, mes tjerash, u shpreh se aq sa na bashkon historia, gjuha e kombi, aq duhet të na lidhë bashkëpunimi institucional në çdo fushë. Bashkëpunim ky që, sipas tij, lehtëson dhe përmirëson jetën e qytetarëve tanë dhe që rritë besimin social ndërmjet qytetarëve në të dy anët e kufirit.
“Me këtë qëllim, në mbledhjen e sotme nënshkruam marrëveshje ndërqeveritare për arsim, drejtësi, mbrojtje, shëndetësi, energji, bujqësi, dogana, sigurime shoqërore, turizëm, rini, gjendje civile, lëvizje të lirë, transport e infrastrukturë rrugore”, deklaroi kryeministri Kurti.
Ai, mes projetkeve me rëndësi, veçoi atë të hekurudhës Durrës-Prishtinë.
“Kjo hekurudhë do t’i bashkojë edhe më fortë ekonomitë tona dhe do të rrisë lëvizshmërinë dhe lidhshmërinë ndërmjet republikave tona”, shtoi ai.
Tutje kryeministri Kurti shprehu optimizmin se “teksa qëndrojmë të përbashkuar, me marrëveshjet bilaterale që nënshkruajmë, ruajmë e avancojmë marrëdhëniet tona të afërta”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating