Kurti: Ka një propozim franko-gjerman me mundësinë e një marrëveshjeje mes Kosovës e Serbisë
Read Time:55 Second
Kryeministri Albin Kurti e pranoi se ka të reja në procesin e dialogut Kosovë-Serbi. Gjatë një konference për media të mbajtur në Gjilan, pas takimit që pati me kryetarin komunës, Alban Hyseni, kryeministri Kurti deklaroi se ka një propozim franko-gjerman dhe mundësinë e një marrëveshjeje mes Kosovës e Serbisë.
Por, ai thotë se nuk ka asgjë përfundimtare e aq më pak vendimtare.
Megjithatë, kryeministri deklaroi se ide të tilla qarkullojnë jo vetëm në Paris e Berlin, por edhe në Uashington, Bruksel, Romë, Prishtinë e Beograd.
“Diskutohen modele të ndryshme, por nuk ka diçka përfundimtare”, tha Kurti.
“Aq më pak vendimtare që do të mund të thuhej që ky është propozimi franko-gjerman dhe rrjedhimisht diskutojeni tash dhe jepni vërejtjet”.
Sipas kryeministrit, kjo iniciativë dëshiron t’i japë edhe më shumë fuqi Lajçakut, sikurse që i jep edhe mbështetja e vazhdueshme amerikane.
Kohë më parë, në media ishte publikuar një dokument ku paraqitej një kornizë e re që i atribuohej Gjermanisë dhe Francës.
Për një plan të tillë, ka folur më parë edhe presidenti i Serbisë, Aleksandër Vuçiq, por pa dhënë detaje.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating