Lajçak ia kujton Vuçiqit: Të gjitha marrëveshjet e Dialogut duhet të zbatohen
Read Time:47 Second
Ka përfunduar takimi në Beograd mes emisarëve Miroslav Lajçak nga BE-ja dhe Gabriel Escobar nga SHBA-ja me presidentin e Serbisë, Aleksandar Vuçiq.
Përfaqësuesi i BE-së, për dialogun Kosovë-Serbi, Miroslav Lajçak, tha se në këtë takim ia ka përcjellë presidentit të Serbisë, Aleksandar Vuçiq, mesazhin për zbatimin e të gjitha marrëveshjeve të dialogut.
Përmes një postimi në Twetter, Lajçak ka bërë të ditur se në këtë takim ka kërkuar edhe zbatimin e Marrëveshjes së vitit 2011 për Lirinë e Lëvizjes.
“Pati një diskutim të vështirë, por të përgjegjshëm me presidentin e Serbisë, Aleksandar Vuçiq. Me këtë rast i përcolla mesazhet dhe theksova se të gjitha marrëveshjet e Dialogut duhet të zbatohen, përfshirë edhe Marrëveshjen e vitit 2011 për Lirinë e Lëvizjes. Ne do të vazhdojmë bisedimet tona më vonë sonte”, ka shkruar Lajçak.
Fillimisht takimi u zhvillua mes Lajçak e Vuçiq kurse më vonë takimit iu bashkua edhe emisari amerikan, Gabriel Escobar.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating