
Lista Serbe apel ndërkombëtarëve: Ndaleni Kurtin, po ndërton stacion policie në Zubin Potok
Lista Serbe ka lëshuar një reagim për media duke thënë se ndërtimi i stacionit policor në Zubin Potok ka nxitur pakënaqësi tek komuniteti serb. Në një komunikatë “Srpska” thotë se një veprim i tillë “është shembull i presionit institucional të Prishtinës ndaj popullit serb”.
Sipas partisë që drejtohet tashmë nga Zllatan Elek, një vendim i tillë “synon të krijojë tensione dhe përshkallëzim të situatës në veri, duke injoruar thirrjet ndërkombëtare për de-eskalim dhe themelim të Asociacionit”.
“Srpska” pretendon se deklarimet se ekziston vendim qysh në vitin 2018 për ndërtimin e stacionit “janë informacione të rreme”, meqë sipas tyre “s’është dorëzuar asnjëherë në pushtetin vendor dhe as s’është kërkuar pëlqimi apo leja e duhur për ndërtimin e objektit”
Në fund kanë shkruar se i bëjnë thirrje ndërkombëtarëve që “ta frenojnë Kurtin” dhe të parandalojnë përshkallëzimin e situatës në terren.
“Veriu i Kosovës me ndërtimin e bazave parapolicore nga Prishtina, gjithnjë e më shumë i ngjan burgut të hapur apo Koresë së Veriut, sesa fshatrave dhe qyteteve evropiane. Presioni institucional që Kurti po ushtron ndaj qytetarëve tanë, madje edhe ndaj fëmijëve është përtej çdo mase dhe ata duhet të veprojnë urgjentisht. Kërkojmë gjithashtu reagimin e EULEX-it dhe KFOR-it, të cilët janë përgjegjës për sigurinë e të gjithë qytetarëve, por besojmë të vetëdijshëm se kjo lëvizje nuk është një hap në drejtimin e duhur në kuptimin e deeskalimit të situatës”, thuhet në komunikatën e “Srpskas”
Më shumë storie
Mbreti Salman dhe Princi i Kurorës urojnë për 17-vjetorin e pavarësisë
Presidentja e Republikës së Kosovës, Vjosa Osmani, ka marrë mesazhe urimi nga Mbreti i Arabisë Saudite, Salman bin Abdulaziz Al...
Mbreti i Suedisë uron presidenten Osmani për 17-vjetorin e pavarësisë
Mbreti i Suedisë, Carl Gustaf R, i ka dërguar një mesazh urimi presidentes së Kosovës, Vjosa Osmani, me rastin e...
Richard Grenell: Thaçi, duhet të festojë sot në Prishtinë, jo pas hekurave në Hagë
Emisari amerikan për misione të veçanta Richard Grenell, ka uruar të gjithë miqtë në Kosovë, 17 vjetorin e pavarësisë së...
Turqia uron Kosovën: Do të vazhdojmë të zhvillojmë marrëdhëniet tona
Ministria e Punëve të Jashtme të Turqisë, ka uruar Kosovën për nder të 17-vjetorit të Pavarësisë. Në një postim në...
Jorn Rohde: Pavarësia e Kosovës nuk është vetëm simbol, por një realitet praktik
Ambasadori gjerman, Jorn Rohde, ka uruar 17-vjetorin e Pavarësisë së Kosovës nëpërmjet një video mesazhi në emër të popullit gjerman....
Sot Republika e Kosovës shënon 17-vjetorin e pavarësisë së saj
Më 17 shkurt të vitit 2008, Kuvendi i Kosovës shpalli pavarësinë e vendit, duke e bërë atë shtet të pavarur,...
Average Rating