Mark Rutte: Dialogu nuk ecën përpara ashtu siç ne do të donim

Read Time:1 Minute, 13 Second

Ministrat e mbrojtjes të shteteve anëtare të NATO-s gjatë takimit dyditor do shqyrtojnë edhe rrethanat në rajon, me fokus të veçantë në Kosovë dhe Bosnje e Hercegovinë.

Sekretari i përgjithshëm i NATO-s, Mark Rutte, para nisjes së takimit ka konfirmuar se ka shqetësim në mesin e shteteve aleate për situatën e brishtë në rajon, për shkak të Bosnjës dhe progresit të pamjaftueshëm në dialogun mbi normalizimin e marrëdhënieve mes Kosovës e Serbisë.

“Ne duhet të jemi të vetëdijshëm për tensionet në Ballkanin Perëndimor. Për faktin se dialogu mes Beogradit dhe Pirhstinës nuk po ecën përpara ashtu siç ne do të donim. Ne e mbështesim dialogun e lehtësuar nga BE-ja. Sigurisht gjithashtu jemi të shqetësuar për tensionet secesioniste që ende përpiqen të shkaktojnë ndarje brenda shoqërisë së Bosnje-Hercegovinës. Të gjitha këto do jenë padyshim në agjendën tone sepse dëshirojmë të bëjmë gjithçka në mesazhet tona dhe mbështetjen tonë konkrete dhe për të mbështetur Ballkanin Perëndimor”, tha Mark Rutte- sekretar i përgjithshëm i NATO-s.

Tema e Ballkanit Perëndimor do jetë në agjendë në ditën e dytë të takimit ministror, përkatësisht të premten më 18 tetor. Dita e parë do i kushtohet Ukrainës me ç’rast ne takim do merr pjesë presidenti i këtij shteti Volodimr Zelenski.

Është ky takimi i parë ministror në nivel të NATO-s të cilin do e kryeson sekretari i ri i përgjithshëm, Mark Rutte, i cili morri detyrën në ditën e parë të këtij muaji.