Miroslav Lajçak: Pavarësisht hapave, situata në veri të Kosovës mbetet e brishtë
Read Time:55 Second
I dërguari i posaçëm i Bashkimit Evropian për dialogun Kosovë-Serbi, Miroslav Lajçak, e ka vlerësuar të brishtë situatën në veri të Kosovës, pavarësisht, siç ka thënë ai, hapave të qartë për të ulur tensionet.
Diplomati sllovak në një postim në Facebook, ka bërë të ditur punën e bërë gjatë dy ditëve të fundit në Bruksel me faktorët e tjerë për hapat e ardhshëm në adresimin e krizës.
”I kalova dy ditët e fundit në Bruksel, ku ekipi im dhe unë kemi punuar ngushtë me partnerët tanë ndërkombëtarë për të koordinuar hapat tanë të ardhshëm në adresimin e krizës së vazhdueshme në veri të Kosovës. Fatkeqësisht, pavarësisht nga ekzistenca e hapave të qartë për të ulur me sukses tensionet, situata mbetet e brishtë“, ka shkruar Lajçak.
Ai tutje iu gëzua interesimit të anëtarëve të Komisionit të Punëve të Jashtme të Parlamentit Evropian, të cilët e ftuan në takim së bashku me Drejtorin e Përgjithshëm të DG-NEAR, Gert Jan Koopman “për një diskutim të përbashkët rreth situatës, zhvillimeve të fundit në dialog dhe përpjekjeve për të ulur tensionet në terren në veri të Kosovës”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating