Mirosllav Lajçak: Është koha të fillojë zbatimi i marrëveshjes për normalizim
Read Time:50 Second
Emisari i BE-së për dialogun Kosovë-Serbi, Mirosllav Lajçak ka thënë se po përgatiten për takimin e radhës të kryenegociatorëve i cili pritet të zhvillohet pas katër ditësh në Bruksel.
Ai takimin e javës së shkuar me kryenegociatorin kosovar Besnik Bislimi në Vjenë e quajti produktiv ku tha se patën diskutime të thella rreth hapave të nevojshëm për zbatimin e Marrëveshjes për Rrugën drejt Normalizimit për çka thotë se është koha për të filluar seriozisht zbatimin.
Derisa ka bërë një rikapitulim të angazhimit të tij të ditëve të fundit, sllovaku e ka quajtur si moment kryesor pjesëmarrjen në përvjetorin e Samitit të Procesit të Berlinit pjesë i së cilit samit jubilar ishte me ftesë të kancelarit Olaf Scholz.
Ndërkohë, emisari i BE-së të cilit iu vazhdua ky mandat deri në janarin e vitit që vjen tregoi se javën e përfundoi në Londër, duke u takuar me të dërguarin e Mbretërisë së Bashkuar për Ballkanin Perëndimor, Lord Peach, zyrtarë të FCDO dhe ekspertë për Ballkanin Perëndimor.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating