Mustafi – Vuçiqit: Nuk jemi sa ke menduar ti, ke me u habitë sa shumë shqiptarë jemi

Pas dekleratës së presidentit serb se se “numri i shqiptarëve nuk është real me numrin e të regjistruarve”, ka reaguar kryetari i Këshillit Nacional të Shqiptarëve, z.Ragmi Mustafi

Në reagimin e tij, Kryetari i Këshillit Nacional të Shqiptarëve në Luginë ka deklaruar se “deklaratat e tilla, përveç se nuk ndihmojnë procesit të regjistrimit e nxisin tensionim të situatës, madje është parapërgatitja e valës së re të kontestimit të numrit të saktë e të vërtetë të shqiptarëve në Preshevë, Bujanoc dhe Medvegjë”

Mustafi i ka bërë me dije Presidentit Vuçiq se statistikat e deritashme zyrtare për numrin e shqiptarëve nuk janë reale dhe se deklaratat e tilla janë tentim për devijimin e e numrit real të shqiptarëve

“Z. President nuk janë 5809 shqiptar në Serbi, nuk janë 1118 shqiptar në Luginë sipas statistikave zyrtare të vitit 2011.
Deklarimet e tuaja nuk mund të kuptohen ndryshe përveç se në shërbim të devijimit të numrit real të shqiptarëve në përfundim të procesit regjistrimit popullsisë. Nuk mund të jenë të shkëputura nga pengesat e paraqitura në Medvegjë. Z.President, lexoni kushtet për regjistrim, të informoheni para se të jepni deklarata tendencioze në të cilat sulmoni një komunitet i cili është i shtypur vazhdimisht!” ka deklaruar Mustafi

Kryetari Ragmi Mustafi ja ka bërë të ditur Vuçiqit se “ne jemi shumë më shumë, jemi mbi 100 mijë shqiptarë në Luginë. Kështu do ta thotë edhe regjistrimi i popullsisë në regjistrin zyrtar të Entit të Statistikave Republikane.