Në Prekaz ka nisur manifestimi tradicional “Nata e Zjarreve”në kuadër të Epopesë së UÇK-së
Read Time:1 Minute, 12 Second
Përmes ndezjes së flakadanëve, u kujtua sakrifica e familjes Jashari për çlirimin e vendit.
Në këtë manifestim po marrin pjesë akterë politikë, anëtarë të familjes Jashari e qytetarë të shumtë.
Emocione krenarie po përcillen nga ky manifestim, në 25 vjetorin e rënies së komandantit Adem Jashari dhe familjes së tij.
Edhe Komuna e Prishtinës është solidarizuar në kujtim të kësaj epopeje.
Kryetari i Prishtinës, Përparim Rama ndezi sonte në Prishtinë flakadanët për të shënuar natën e zjarreve, në shenjë solidarizimi me ndezjen e flakadanëve në të gjitha rajonet, duke përmbyllur kështu manifestimin në përkujtim të “Epopesë së UÇK-së”.
“Çdo vit kjo do të madhërohet më shumë për të nderuar sakrificën e familjes Jashari, të gjithë ata që e kanë dhënë jetën për lirinë e vendit që e gëzojmë tani”, ka thënë kryetari i Prishtinës.
Sonte me natën e zjarreve në Prekaz u përmbyll Epopeja e UÇK-së, treditori i lavdisë, dinjitetit e krenarisë. Për tri ditë me radhë mijëra qytetarë bënë homazhe te Kullat e Rezistencës, aty ku 25 vjet më parë u flijuan për atdhe komandanti legjendar Adem Jashari me familje.
Pra, si njoftuam më heret edhe në Prishtinë, kreu i komunës bashkë me përfaqësuesit e veteranëve të UÇK-së, ndezën flakadanët për ta shënuar natën e zjarreve, në shenjë solidarizimi me ndezjen e Flakadanëve në të gjitha rajonet, duke përmbyllur kështu manifestimin në përkujtim të Epopesë së UÇK-së.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating