OKB: Britania kërkon nga Serbia dorëzimin e Radoiçiqit për sulmin në Banjskë
Përfaqësuesja e Mbretërisë së Bashkuar në Organizatën e Kombeve të Bashkuara (OKB), Jennifer MacNaughtan, i ka bërë thirrje Serbisë që personat përgjegjës për sulmin në Banjskë, përfshirë Milan Radoiçiqin, të dalin para drejtësisë.
Gjatë adresimit në OKB, MacNaughtan rikujtoi sulmin e armatosur në Banjskë të Zveçanit, ku u vra rreshteri i Policisë së Kosovës, Afrim Bunjaku.
“Vazhdojmë t’i bëjmë thirrje Serbisë që ata që janë përgjegjës të sillen para drejtësisë”, deklaroi MacNaughtan, duke përmendur në mënyrë të veçantë Milan Radoiçiqin.
Në adresimin e saj, përfaqësuesja britanike foli edhe për rëndësinë e normalizimit të marrëdhënieve ndërmjet Kosovës dhe Serbisë, duke theksuar se ai është thelbësor për stabilitetin afatgjatë dhe perspektivën evropiane të të dyja vendeve.
Ajo u bëri thirrje të dyja palëve që të zbatojnë marrëveshjet ekzistuese dhe të angazhohen në mënyrë konstruktive në dialogun e lehtësuar nga Bashkimi Evropian.
MacNaughtan theksoi gjithashtu rëndësinë e zbardhjes së fatit të personave të zhdukur gjatë luftës, duke kërkuar nga Serbia qasje në arkivat dhe dokumentacionin përkatës.
Ndër të tjera, Mbretëria e Bashkuar përsëriti mbështetjen për Kosovën dhe bëri thirrje për rishikimin e rolit dhe financimit të UNMIK-ut, në përputhje me zhvillimet dhe realitetin aktual në vend.
Më shumë storie
Barack Obama: Amerikanët duan një politikë që bashkon, jo që përçan
Ish-presidenti i Shteteve të Bashkuara të Amerikës, Barack Obama, ka reaguar pas rezultateve të zgjedhjeve të së martës, duke theksuar...
Trump pranon humbjen, shmang përgjegjësinë
Presidenti amerikan Donald Trump ka reaguar pas rezultateve të zgjedhjeve të mesit të mandatit, të cilat sollën humbje për Partinë...
SHBA: Humbja e kontrollit të Kongresit, një sfidë e njohur për presidentët amerikanë
Zgjedhjet e mesmandatit në SHBA kanë sjellë një tjetër goditje për presidentin Donald Trump, pasi Demokratët kanë arritur të marrin...
Mos të jemi indiferentë ndaj rinisë sonë!
Emine S. Hoti (Me banim në Norvegji) Nënkryetare e Shoqatës së Shkrimtarëve dhe Artistëve Shqiptarë „Papa Klementi XI Albani” në...
OKB, Konjufca: Serbia vrau 12 mijë shqiptarë në Kosovë
Zëvendëskryeministri i parë dhe ministri i Punëve të Jashtme dhe Diasporës, Glauk Konjufca, tha se Serbia po vazhdon kërcënimet ndaj...
OKB, SHBA-ja kërkon mbylljen e UNMIK-ut: Misioni e ka tejkaluar qëllimin e tij
Përfaqësuesja e Shteteve të Bashkuara të Amerikës në Kombet e Bashkuara, Tammy Bruce, ka kërkuar mbylljen e misionit të UNMIK-ut...

Average Rating