Përfundon takimi trepalësh Kurti-Borrell-Lajçak-Vuçiq
Takimi mes kryeministrit të Kosovës, Albin Kurti e presidentit të Serbisë, Aleksandar Vuçiq, i ndërmjetësuar nga Borrell e Lajçak, pas pauzës së dytë, ka përfunduar.
Sipas informacioneve të fundit të RTV21 në Ohër, palët janë pajtuar por që asgjë nuk është firmosur në letër.
Pas më shumë se dhjetë orë bisedime në Ohër, ka përfunduar takimi trepalësh ndërmjet kryeministrit të Kosovës, Albin Kurti, presidentit serb, Aleksandar Vuçiq me përfaqësuesit e Bashkimit Evropian, shefin e Politikës së Jashtme të BE-së, Josep Borrell dhe emisarin për dialogun, Miroslav Lajçak.
Diskutimet u fokusuan për planin e zbatimit të propozimit evropian, për përmbajtjen e këtij të fundit, palët u dakorduan më 27 shkurt në Bruksel.
