Petkoviq, Kurtit: Mos u shqetëso për serbët, ata e kanë presidentin e tyre Vuçiqin
Kryenegociatori i palës serbe, në dialogun me Kosovën, Petar Petkoviq, i ka reaguar kryeministrit Albin Kurti, i cili i uroi besimtarët ortodoksë për Pashkë duke i siguruar se do kujdesen për ta.
Petkoviqi përmes një postimi në Twitter i ka thënë Kurtit që të mos shqetësohet për serbët,pasi sipas tij, ata e kanë presidentin e tyre, duke iu referuar kështu Aleksandar Vuçiq.
”Vetem ju Albin Kurti mos u shqetësoni për serbët”, shkroi Petkoviq, duke përmendur “sulmet etnike”, që ai propagandon se po kryhen ndaj serbëve.
”Serbët kanë presidentin e tyre, Vuçiqin, i cili kujdeset për ta dhe i ndihmon!”, thotë Petkoviqi në Twitter.
