Pse mos të kenë  parti shqiptarët me origjinë nga Kosova,  kur në Shqipëri ka 130 turli lloj partish? 

Read Time:7 Minute, 29 Second

Nga Skënder Sadri KAPITI

Nëse në Shqipëri do të aplikohej një demokraci e vërtetë  nuk kishte nevojë që të kishte 130 parti politrike , shumica prej tyre të panevojshme dhe parazitare, parti interesash personale, klanore, servile, korruptive e krahinore realitet ky i një demokracie si luftë për të kapur pushtetin, shtetin , korrupsionin dhe për përfitimet peërsonale.Shqiptarët me origjinë nga Kosova, vetëm ata nuk kanë parti të tyren , sepse në demokraci  politika dhe demokracia është e lirë dhe gjithpërfshirëse dhe nuk është e nevojshme krijimi i partive politike personale, grupale, minoritare, nepotike e krahinore sic janë shumica e partive politike fantazma në Shqipëri.

SOT NË SHQIPËRI KA 130 TURLI-LLOJ PARTISH, KA EDHE NGA ATO PA ANTARË E VETËM ME KRYETARË, KANË PARTI TË TYRE SHQIPTARËT E CAMËRISË, KANË EDHE MINORITETET. ATËHERE PSE NUK KANË PARTI SHQIPTARËT ME ORIGJINË NGA KOSOVA TË CILËT JANË NJË SHUMICË E KONSIDERUESHME, DHE PSE SHQIPTARËT ME ORIGJINË NGA KOSOVA RRINË HAPËRDARË NËPËR PARTI TË TJERA,PARTI TË CILAT NUK I INTERGROJNË NË POLITIKË, AS NË QEVERISJE E AS NË ADMINISTRATË KOSOVARËT POR I MBAJNË LARG, I MANIPULOJNË  DHE I DUAN VETËM SA PËR VOTA.SHUMË PAK E RRALLË KA NË PARLAMENT, NË QEVERI DHE NË ADMINISTRATË NDONJË SHQIPTAR ME ORIGJINË NGA KOSOVA KUR KA PLOT MINORITARË SLLAV, GREK E VLLEHË.

Historikisht në Shqipëri më shumë prioritet në integrimin politik, ekonomik e shtetëror në Shqipëri kanë pasur  dhe kanë sidomos edhe sot minoritetet dhe minoritarët joshqiptarë që jetojnë në Shqipëri  si grekët, vllehët, maqedonasit e sllavë të tjerë edhe ndonjë bjellogardist dhe stalinist rus se sa që kanë shqiptarët me origjinë nga Kosova që janë në Shqipëri, si dje në regjimin komunist ashtu edhe në regjimet partiake të paskomunizmuiit.

Me rënien e komunizmit kosovarët ashtu si të gjithë shqiptarët e mbështetën Partinë Demokratike të Shqipërisë por tani a  mos duhet që edhe kosovarët në Shqipëri të kenë Partinë e tyre si shqiptarët camë dhe minoritetet?

Në Shqipëri ka rreth 130 parti politike. Parti politike kanë shqiptarët camë kanë edhe minoriteti grek dhe minoritetet e tjera.Dhe pse të mos kenë parti politike edhe shqiptarët me origjinë nga Kosova?Dikur para se të shpallej Pavarësia, shqiptarët me origjinë nga  Kosova kishin Shoqatën “Kosova” , të cilën kryetari i saj më vonë e shpërndau.Dhe e vërteta   është ajo se politkisht shoqata “KOSOVA” fillimisht ka mbështetur Partinë Demokratike dhe Sali Berishën ashtu si  të gjithë shqiptarët. Kosovarët e mbështetën fort demokracinë në Shqipëri  sepse kosovarët  kishin 50 vite që regjimi izolues, ideologjik dhe antihuman i komunizmit  në Shqipëri nuk kishte lejuar që ata të takoheshin dhe të vizitonin familjet dhe të afërmit e tyre në Kosovë.

Regjimi komunist në Shqipëri antijugosllavizmin ata e kishin vetëm për arsye ideologjike dhe aspak Shqipëria nuk i prishi marrëdhëniet me serbo-jugosllavinë për shkak të shkeljes brutale të lirive e të të drejtave kombëtare të shqiptarëve në Kosovë, por i prishi për arsye politike dhe ideologjike, dhe më pas komunistët shqiptarë iu dorëzuan Moskës së Stalinit.Është për t’u habitur që ka edhe sot nostalgji për serbosllavinë gjë të ciën e verteton fakti se Qeveria e Tiranës mbështeti fuqishëm “Open Ballkan”, një projekt tellësisht kundër Kosovës, por që dështoi për arësye se ky projekt iste edhe antieuropian, antiBE.

NGA KOMUNIZMI MË SË SHUMTI NGA POPUJT E EUROPËS E KA PAGUAR POPULLI SHQIPTAR SI NË SHQIPËRI ASHTU EDHE NË KOSOVË.

 Në Shqipëri komunizmi erdhi me ndihmën e emisarëve serbo-jugosllavë dhe se politika marksist-leniniste dhe vetëizoluese e Tiranës nuk interesohej aspak për shqiptarët e Kosovës dhe si politikë antidemokratike e antiperendimore e anti SHBA politika komuniste në Shqipëri i shërbente regjimit komunist antishqiptar serbo-sllav që shtypte liritë dhe të drejtat kombëtare të shqiptarëve të Kosovës.

Shqiptarët me origjinë nga Kosova e mbështetën demokracinë në Shqipëri sepse mendonin që tashmë Shqipëria do të mbështeste Kosovën dhe se do hapej rruga për clirimin e Kosovës dhe për Bashkimin Kombëtar.Mirëpo qeveria edhe e Partisë Demokratike zhgënjeu, pasi ajo kërkoi fillimisht  autonomi për Kosovën , shkeli embargon e karburanteve ndaj Serbisë, nuk mbështeti as Rugovën dhe as nuk përkrahu luftën clirimtare për Kosovën si dhe kërkonte pavarësi të kushtëzuar për Kosovën.

Edhe me ardhjen e socialistëve në pushtet, si trashëgimtarë të komunistëve, Kosovën ata e shikonin me sytë e njerkës, Beogradin e konsideronin si kryeqytet të Kosovës sic e ka deklaruar këtë ishkryetari i saj Fatos Nano, dhe në vazhdimësi qeverisja tjetër e saj ajo e sotme më mirë marrëdhëniet  dhe më afër është me Beogradin se sa me Prishtinën, dhe madje ajo ka mbështetur hapur edhe projektet antishqiptare e antiKosovë të Beogradit.Disa kosovarë donim të formonim partinë kosovare, ku të përfshihet gjithe elementi nacionalist jo vetëm me shqiptarë me origjinë nga Kosova por edhe nga Shqipëria sepse në Shqipëri akoma nuk ka një parti nacional-patriotike.

Mirëpo kjo nuk u bë por përkundrazi u shpërnda edhe shoqata “Kosova”  nxitur nga politikanë të Partisë Demokratike, pasi ata mendonin  se në kushtet e reja dhe kur të mësohej e vërteta shqiptarët me origjinë nga Kosova nuk do votonin më Partinë Demokratike por Partinë e tyre si dhe do të bënin aleanca me ato parti të cilat politikisht mbështesni dhe ishin pro Kosovës.

Në Shqipëri jetojne dhe ka rreth 8% të popullsisë shqiptarë me origjinë mga Kosova, dhe duke parë se politikisht  politika e Tiranës sillet me hipokrizi dhe me djallëzi karshi Kosovës, dhe politika në Shqipëri krejt e gjitha interesohet vetëm për vota nga kosovarët  e Shqipërisë, dhe politika  e retorikave mashtruese e Tiranës tregohet shume “vigjilente” për të mos lejuar elementin kosovar që të angazhohet në politikë, dhe duke u besuar shqiptarëve me origjinë nga Kosova disa poste e detyra të nivelit të ulët, atëhere pse mos të formojnë edhe kosovarët partinë e tyre politike në Shqipëri përballë asaj  politike egoiste, hipokrite dhe hileqare të Partive politike dhe të politikës e politikanëve të Tiranës ndaj shqiptarëve me origjine nga Kosova, asaj politike  të dëmshme dhe antikosovare e të papërgjegjshme kombëtarisht të Tiranës, si dhe përderisa ka lloj-lloj e tyrli partie dhe përderisa parti kanë edhe shqiptarët camë, edhe minoritarët. Kosovës tani si shtet i takon që të mbrojë edhe qytetarët shqiptarë në Shqipëri, ata me origjinë nga Kosova për padrejtësitë që atyre u janë bërë nga komunizmi por edhe që u bëhen tani nga shteti, drejtësia  dhe politika e Tiranës.

Nuk i pëlqen politikës së Tiranës që kosovarët të kenë partinë e tyre, sepse nuk duan që në Shqipëri të ketë deputetë e shtetarë nacionalistë sepse këtë nuk e duan serbët dhe armiqt e shqiptarëve.

POLITIKËS SË TIRANËS DHE BANORËVE TË SHQIPËRISË I PËLQEJNË VETËM EUROT E KOSOVARËVE KUR GJOBITEN PËR TË KALUAR RRUGËT , U PËLQEJNË EUROT E KOSOVARËVE KUR VIJNË SI TURISTË NË PLAZH DHE KUR UA RRISIN CMIMET, SI  DHE KUR MBUSHIN STADIUMIN KUR LUAN FUTBOLL PËRFAQËSUESJA E SHQIPËRISË.

Kosovarofobizmin në Shqipëri hapur dhe në mënyrë djallëzore e nxit politika e shitur, korruptive  dhe antikombëtare si dhe mercenarët e mediave të sponsorizuara nga paraja e huaj.

Politila e Tranës ka  kosovarofobi “patologjike” tinëzare e të maskuar, dhe në Shqipëri, në partitë politike shqiptare dhe në pushtet e qeveri edhe nëse arrin atje që të ketë ndonjë shqiptar me origjinë nga KOSOVA , politika e Tiranës  përzgjedh sa për “garnityrë” idividët më të  dobët, servilë, jo aftë  e jo me  kontribute patriotike e kombetare, ashtu sikurse që politika dhe mediat e Tiranës marrin ndonjë “këshilltar” apo gazetar halabak nga Kosova si Baton Haxhiun, Milaim Zekën, Berat Buzhalën dhe ndonjë politikan injorant nga atje.

Kjo gjë, që shqiptarët e Kosovës  të kenë partinë e tyre, kjo me siguri nuk do u pëlqejë kosovarofobëve dhe as atyre të shiturve intelektualë, gazetarë, opinionistë dhe atyre që promovojne agjenda anti Kosovës. Dikush mund të thotë se kjo gjë krijon përcarje mes shqiptarëve. Jo, jo, kjo nuk krijon përcarje, por kjo gjë korigjon  dhe i vë fre politikës së korrupsionit dhe  asaj të dëmshme kombëtarisht, asaj të korrupsionit dhe të papërgjegjshmërisë kombëtare. Kjo gjë nuk përcan por shikoni se cfarë përcarje djallzore dhe hipokrizie  po bëjnë politika dhe pushteti i korrupsionit.Këtë gjë mund ta kundërshtojnë disa fallcopatriotë servilë që paguhen nga mediat politike të Tiranës si dhe nga disa “intelektualë” kosovarë të cilët kënaqen kur si shpërblim nga politika e Tiranës marrin mundësinë për t’u rrezitur falas  nja 10 ditë në plazhet e Shqipërisë.

Ndoshta nuk u pëlqen që kosovarët të kenë partinë e tyre në Shqipëri,  nuk u pëqen majtistëve në Kosovë, sepse kosovarët në Shqipëri janë me bindje të djathta dhe patriotike  që kanë trashëgiminë e rezistencës kundër komunizmo-sllavisë dhe kundërshtimin edhe ndaj komunizmit në Shqipëri.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Euro 2024: Spanja është kampione e Evropës në futboll
Next post Vjosa Osmani: Lojërat Olimpike kapërcejnë kufijtë e sportit, i shërbejnë paqes