PVD, PDSH, LPD dhe UDSH bëjnë koalicion për zgjedhjet e 17 dhjetorit në listën “Beteja politike e shqiptarëve vazhdon – Shaip Kamberi”

“Beteja politike e shqiptarëve vazhdon – Shaip Kamberi” kështu do të quhet koalicioni që bashkon katër partitë politike shqiptare në Luginë të Preshevës për zgjedhjet e 17 dhjetorit.

Partia për Veprim Demokratik, Partia Demokratike Shqiptare, Lëvizja e Progresit Demokratik dhe Unioni Demokratik Shqiptar kanë nënshkruar marrëveshje për pjesmarrje të përbashkët në zgjedhjet parlamentare të 17 dhjetorit të këtij viti.

Bartës i kësaj Liste dhe kandidati me numër 1 në këtë listë është deputeti i deritanishëm dhe kryetari i PVD-së, Shaip Kamberi.

Sipas informacioneve, listën “Beteja politike e shqiptarëve vazhdon – Shaip Kamberi”, do ta mbështesë edhe Aleanca për Luginën.

Ky është koalicioni i parë dhe gjithpërfshirës për pjesmarrje në zgjedhjet parlamentare të këtij viti.

Në marrëveshjen e nënshkruar, partnerët e koalicionit kanë lënë hapsirë edhe për partitë tjera shqiptare të cilat dëshirojnë t’i bashkohen konceptit politik që përfaqëson kjo listë.

Ky koalicion i këtyre subjekteve politike shqiptare ka ardhur falë kontributit të Prishtinës dhe Tiranës zyrtare.

Lini një Përgjigje

Previous post Takimi Kurti -Stoltenberg, temë kryesore, roli historik i NATO-s në Kosovë
Next post Poezi kushtuar Lidhjes së Prizrenit, Nënës Terezë dhe Salih Shabanit