Qeveria e Kosovës ndan mjete për librat e nxënësve të Luginës së Preshevës
Qeveria e Kosovës sot do të mbajë mbledhjen e 154 ku pritet të shqyrtohen 12 pika të rendit të ditës.
Mbledhja do të fillojë në orën 10:00.
Gjatë kësaj mbledhje do të shqyrtohet propozimi-vendimi për ndarjen e mjeteve buxhetore për pajisje me tekste mësimore në gjuhën shqipe për nxënësit shqiptarë që vijojnë mësimin në gjuhën shqipe në shkollat fillore në komunat Preshevë, Medvegjë dhe Bujanoc, për vitin shkollor 2023-2024.
“Shqyrtimi i Projekt-udhëzimit Administrativ për Masat e Duhura Parandaluese dhe Mbrojtëse për Ndalimin e Pjesëmarrjes së Fëmijëve në Klubet e Natës dhe Hapësira të tjera të ngjashme (MPB)”, thuhet në pikën katërt të mbledhjes së Qeverisë së Kosovës.
