Shaip Kamberi: Stërvitjet serbe ndikojnë në sigurinë rajonale
Read Time:1 Minute, 0 Second
Deputeti shqiptar në Kuvendin e Serbisë, Shaip Kamberi, ka reaguar lidhur me stërvitjet ushtarake të zhvilluara nga Serbia në Komunën e Bujanocit, pranë kufirit me Kosovën, duke theksuar se këto aktivitete ndikojnë në sigurinë rajonale.
Sipas Kamberit, këto aktivitete ushtarake, veçanërisht kur zhvillohen afër zonave të banuara dhe përfshijnë kapacitete ajrore, ndikojnë drejtpërdrejt në perceptimin e sigurisë së komuniteteve lokale, në veçanti të shqiptarëve në Luginën e Preshevës.
Ai theksoi se, në kontekstin e sigurisë rajonale, zhvillime të tilla mund të interpretohen si faktorë që rrisin tensionet dhe ulin besimin ndërmjet aktorëve lokalë.
“Duke marrë parasysh rëndësinë e stabilitetit afatgjatë në Ballkanin Perëndimor, mbetet thelbësore që të veprohet me përmbajtje dhe në përputhje me parimet e sigurisë bashkëpunuese. Në këtë drejtim, roli i bashkësisë ndërkombëtare është kyç për të inkurajuar dialogun konstruktiv, transparencën dhe shmangien e veprimeve që mund të perceptohen si provokuese”, tha Kamberi.
Në këtë drejtim, ai theksoi rëndësinë e forcimit të pranisë së KFOR në Kosovë, si një faktor stabiliteti dhe sigurie.
Kamberi shtoi se, duke pasur parasysh provokimet e vazhdueshme të presidentit serb Aleksandar Vuçiq ndaj Kosovës dhe shqiptarëve në Luginë, NATO duhet të shqyrtojë mundësinë e rishikimit të vendimit për Zonën Tokësore të Sigurisë.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating