SHBA: Delegacioni nga Lugina u prit sot nga organizata shqiptaro-amerikane Vatra

Delegacioni i Luginës së Preshevës po vazhdon takimet lobuese me zyrtarë të lartë të Presidentit Biden

Sot, delegacioni i Luginës së Preshevës është pritur në takim nga përfaqësues të organizatës Vatra.

Bashkë me delegacionin nga Lugina ishte edhe zoti Faton Bislimi i cili pas takimit deklaroi:

“Pas një dite me angazhime e takime lobuese e avokuese për kauzën e drejtë të Luginës së Preshevës, në mbrëmje u mirëpritëm në VATRA, organizatën e themeluar fillimisht nga Noli e Konica. Aty ishte edhe Ipeshkvi i Kosovës z. Dodë Gjergji.
Vatra si një organizatë komunitare e me vlerë historike për shqiptaro-amerikanët do të jetë në përkrahje të plotë të angazhimit tonë dhe Ligës për kauzën e Luginës. Bashkerisht do bëjmë atë që duhet, atë që ia kemi borxh vëllezërve e motrave tona në Luginë!”