
Shqipëri: Përplasje në Kuvend, deputetët e opozitës djegin karriget
Kuvendi i Shqipërisë nisi këtë të hënë seancën plenare ndërsa deputetët e opozitës u rreshtuan para foltores në shenjë proteste pas arrestimit të deputetit të PD-së, Ervin Salianji.

Garda e Republikës u rreshtua para foltores, ndërsa deputetët hodhën sende drejt kryeparlamentares Spiropali.
Kryetarja e Kuvendit, Elisa Spiropali, vijoi seancën duke njoftuar vakancën e krijuar pas arrestimit të Salianjit për kallëzim të rremë për dosjen “Babalja”.
Në lidhje me urdhrin e ekzekutimit të vendimit penal për deputetin Salianji, Spiropali tha se rregullorja e Kuvendit nuk parashikon mbledhjen e Këshillit për Rregulloren, Mandatet dhe Imunitetin në rastet kur mandati i deputetit mbaron për shkak të dënimit me vendim gjyqësor të formës së prerë.
Pas shpalljes së vakancës, Kuvendi njofton KQZ për zëvendësimin e deputetit.
Pas përplasjes dhe bllokimit të foltores, deputetët e opozitës kanë nxjerrë karriget jashtë sallës së Kuvendit dhe iu kanë vënë flakën.
Flakët për një moment dolën jashtë kontrollit duke kërcënuar hyrjen e parlamentit. Garda fiku flakët.
Pas djegies së karrigeve, deputetët e opozitës u rikthyen sërish në seancë. Spiropali u bëri thirrje deputetëve të opozitës t’ i rikthehen normalitetit. Ajo deklaroi se Kuvendi nuk ka lidhje me vendimet e gjykatave.
Kryetari i Grupit Parlamentar të PS-së, Niko Peleshi kërkoi ndërprerjen e seancës, kërkesë kjo që u miratua nga kryeparlamentarja, e cila njoftoi 10 minuta pushim.
Më shumë storie
Erion Veliaj nga paraburgimi: Zbulova një skandal të rëndë në sallën e gjyqit
Kryetari i bashkisë së Tiranës, Erion Veliaj, ka reaguar nga paraburgimi, ku ndodhet në masën e sigurisë “Arrest me burg”...
Dje është arrestohuar kryebashkiaku i Tiranës Erion Veliaj
Kryetari i Bashkisë së Tiranës, Erion Veliaj, është shoqëruar sot nga agjentë të Byrosë Kombëtare të Hetimit pas një aksioni...
Agron Shehaj dhe “Mundësia” për zgjimin e politikës nacionaldemokratike shqiptare
Nga Naim Kapiti Shqipëria gjithmonë ka pasur mungesë të theksuar të nacionalizmit dhe të demokracisë. Nacionalizmi dhe demokracia u dëmtuan...
Dekorimi i Z. Dumani nga SHBA është në favor të PD-s por “çuditërisht” pse kjo gjë nuk i pëlqen asaj!?
Dekorimi i kreut të SPAK, Z. Dumani nga SHBA është në favor të Partisë Demokratike, por “çuditërisht” pse kjo gjë...
Edhe Kosovës i duhet një kampion antikorrupsion si Altin Dumani në Shqipëri
Nga Skënder Sadri KAPITI Kreu i SPAK, Altin Dumanin u vlerësua dhe u shpall nga Departamenti Amerikan i Shtetit kampion...
Tiranë: Sulmi në Zubin Potok, temë e takimit të ministrave të vendeve të rajonit
Kryeqyteti shqiptar ishte nikoqir i pritjes së ministrave të Mbrojtjes të vendeve të rajonit që janë anëtare me të drejta...
Average Rating