Siria njeh pavarësinë e Kosovës
Read Time:50 Second
Presidentja e Republikës së Kosovës, Vjosa Osmani, ka njoftuar se Republika Arabe e Sirisë ka njohur zyrtarisht pavarësinë e Kosovës.
“Në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud,” ka shkruar Presidentja Osmani në një postim në Facebook.
Ajo ka falënderuar Presidentin Al Sharaa për vendimin për njohjen e Kosovës dhe për mbështetjen ndaj popullit të Kosovës.
“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Prandaj kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë,” ka theksuar Osmani.
Në fund, Presidentja Osmani ka falënderuar Princin e Kurorës së Arabisë Saudite për rolin e tij në mundësimin e këtij akti historik, duke theksuar se Kosova tani njihet nga 120 shtete dhe po ecën përpara drejt forcimit të pozitës së saj ndërkombëtare.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating