Sulmohen ekipet e mediave, lëndohet kameramani i RTK-së
Në Leposaviq janë sulmuar gazetaret nga protestuesit serbë, të cilët po qëndrojnë që nga mëngjesi para komunës.
Gazetarja je RTK-së, Venera Xhoxhaj, ka treguar se protestuesit i kanë gjuajtur me gurë ekipet e medieve, Tëvë1, RTV Dukagjini, RTK, Klan Kosova dhe KTV.
“Na kanë gjuajtur me gurë, disa kolegë derisa kanë qenë duke u larguar, janë rrëzuar, dhe kameramanit tonë, Bardh Bekteshi, e kanë shtyrë duke e rrëzuar pastaj edhe sulmuar fizikisht duke i shkaktuar lëndime në kokë dhe trup””, ka thënë Xhoxhaj.
Protestuesit serbë në Leposaviq kanë gjuajtur me shok-bomba në drejtim të gazetarëve, ndërsa këto veprime i bënë derisa ministri Elbert Krasniqi po largohej nga objekti komunal me veturë.
https://www.facebook.com/watch/?v=9468302613241564
Stacioni policor në Leposaviq është në gjendje gatishmërisë. Ndërkohë bëhet e ditur se është sulmuar me ngjyrë vetura e ministrit të Pushtetit Lokal, Elbert Krasniqi i cili ka qëndruar sot në Leposaviq, ku edhe është takuar me kryetrarin e kësaj Komune, Lulzim Hetemin.
