Të shtëna armësh në Leposaviq, gjendet një veturë e braktisur e brenda saj një “AK-47”
Në fshatin Soqanicë të Leposaviqit të hënën janë raportuar të shtëna me armë zjarri.
Një qytetar ka raportuar në Polici se nga një veturë është shtënë me armë zjarri, ku më pas Policia ka gjetur veturën e braktisur dhe brenda saj një “AK-47”, transmeton Zeri.info.
“Është raportuar nga një qytetar se nga një veturë është shtënë me armë zjarri, Policia ka gjetur veturën të braktisur dhe brenda saj ishte një ‘AK-47’. Gjatë kryerjes së detyrës dhe lëvizjes së veturës së sekuestruar, vetura në fjalë është goditur nga një veturë në lëvizje, e cila nuk ka mundur të identifikohet nga zyrtarët policorë. Rasti në procedurë hetimore, përderisa është njoftuar edhe prokurori kujdestar”, thuhet në raportin e Policisë.
