Trajneri i Shqipërisë, Sylvinho: Ndeshja me Çekinë si më e rëndësishme

Trajneri i Shqipërisë, Sylvinho e ka përshkruar ndeshjen me Çekinë si të rëndësishme, sidomos për të si trajner, por ka thënë se nuk është vendimtare për kualifikimin.

Shqipëria pret të enjten Çekinë në Tiranë në përballjen e vlefshme për kualifikimet e Euro 2024. 

“Të gjithë ndeshjet janë të vështirë, por kjo është më e rëndësishmja për mua si trajner nëse flasim për kohën e tashme. Por nuk është vendimtare. E kam thënë edhe më parë, në nëntor vendoset kualifikimi dhe atëherë do të bëjmë llogaritë. Na duhen pikë, duhet të marrim pikë dhe do të bëjmë maksimumin për t’ia arritur objektivit. Për mua si trajner, sigurisht që kjo është ndeshja më e rëndësishme”, ka thënë braziliani.

Ai është shprehur se skuadra e drejtuar nga ai është gati. 

“Ashtu siç tha edhe Gjimshiti, është një ndeshje e rëndësishme, por jo vendimtare. Është një ndeshje e vështirë, përballë kemi një skuadër fizike, që ka pësuar vetëm dy gola dhe nuk ka humbur akoma. Na mungojnë akoma dhe tri finale, e para është nesër, nuk do të jetë aspak e lehtë, por ne jemi gati”, ka theksuar Sylvinho.

Në ndeshjen e parë në Çeki ndjesha qe mbyllur me barazim. Shqipëria po kryeson Grupin E me dhjetë pikë nga pesë ndeshje, përpara çekëve që kanë tetë pikë nga katër ndeshje. Më poshtë gjenden Polonia, Moldavia dhe Ishujt Faroe.