Viti 2017 ishte viti më i suksesshëm në karrierën muzikore deri tash për Dua Lipën.

Këngëtarja kosovare arriti të depërtojë në gjithë botën me albumin e saj të parë “Dua Lipa” dhe hitin “New Rules” që pushtoi botën.

E lansuar në korrik, kjo këngë ka kaluar shifrën e 848 milionë klikimeve dhe padyshim është kënga më e suksesshme nga ndonjë shqiptar më 2017.

Dua Lipa në vitin 2017 doli e para në shumë top-lista botërore e mori edhe çmime prestigjioze për “Veprën më të mirë të Artistes së re”.