Vjosa Osmani ka marrë garanci nga z.Biden për mbështetjen SHBA-së për Kosovën
Read Time:1 Minute, 18 Second
Presidentja e Republikës së Kosovës, Vjosa Osmani, e cila po qëndron në New York ku po mbahet sesioni i 78-të i Asamblesë së Kombeve të Bashkuara, ka marrë pjesë në pritjen zyrtare të organizuar nga presidenti i SHBA-ve, Joe Biden.
Në një bashkëbisedim me Presidentin Biden, Presidentja Osmani ka theksuar se në themelet e lirisë dhe shtetësisë së Kosovës është aleanca e përhershme me SHBA-të.
“Rrjedhimisht, në këtë kontekst, ka përsëritur qëndrimin se partneriteti me Amerikën është ekzistencial, i pacenueshëm dhe i pazëvendësueshëm. Presidentja poashtu pati mundësinë ta njoftojë Presidentin Biden për zhvillimet e fundit dhe sfidat me të cilat po ballafaqohet Kosova’, thuhet në njoftim të Presidnecws.
Sipas njoftimit, pas këtij bashkëbisedimi, presidentja Osmani theksoi se ka marrë garanci të fuqishme nga presidenti Biden për mbështetjen e vazhdueshme amerikane ndaj Kosovës.
Presidentja Osmani ka falënderuar Presidentin Biden për ndihmën, të cilën në vazhdimësi e japin SHBA-të për Kosovën në rrugën e saj drejt stabilitetit dhe zhvillimit.
Osmani: Kosovë – SHBA, aleancë e lirisë – aleancë e përjetshme
Presidentja e Kosovës, Vjosa Osmani, është takuar me presidentin amerikan Joe Biden, gjatë qëndrimit në SHBA.
E para e shtetit ka postuar në Facebook një fotografi të përbashkët me presidentin e SHBA-së, Joe Biden, dhe Zonjën e Parë, Jill Biden dhe bashkëshortin e saj, Prindon Sadriu, me mbishkrimin “Aleanca e lirisë. Aleanca e përjetshme”.
Presidentja Osmani, po qëndron në New York, ku po mbahet sesioni i 78-të i Asamblesë së Kombeve të Bashkuara, me ç’rast rast ajo ka pasur një sërë takimesh me shumë liderë botëror.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating