
Xhelal Sveçla nxjerr videon: Radojçiq drejtoi grupin terrorist në Banjskë
Grupi terrorist i serbëve që sulmoi policinë e Kosovës në fshatin Banjskë të Zveçanit, është drejtuar nga nënkryetari i Listës Serbe, Milan Radojçiq. Ky i fundit shihet edhe në videot që ka publikuar para pak çastesh, ministri i Punëve të Brendshme, Xhelala Sveçla, i cili thotë se nënkryetari i Listës Serbe është prijës i terroristëve që sulmuan policinë e Kosovës.
“Kryekrimineli Radojçiq ka qenë udhëheqës i këtij grupi terrorist dhe i sulmit ku mbeti i vrarë polici Afrim Bunjaku. Kjo është edhe një dëshmi tjetër mbi veprimtarinë e tij terroriste ndaj Republikës së Kosovës. Nënkryetari i Listës Serbe është prijës i sulmit terrorist dhe grupit të terroristëve”, ka deklaruar ministri Sveçla.
Harta e sulmit terrorist, sipas tij, po qartësohet çdo ditë.
“Aleksandër Vuçiq përmes Listës Serbe, dhe këta përmes nënkryetarit të tyre Radojçiq, kanë ndërmarrë veprimin terrorist kundër rendit juridik dhe kushtetues të Republikës së Kosovës duke tentuar të destabilizojnë Republikën tonë. Pra, Lista Serbe e sheh pjesëmarrjen e saj në Kosovë vetëm në mënyrë terroriste. Ata dështuan”, shkruan Sveçla.
Ndërkohë, ditët e zisë të shpallura sot nga Serbia dhe Lista Serbe, sipas ministrit të Punëve të Brendshme, janë tashmë vulosja e autorësisë së këtij organizimi.
“Ky në pamjet më poshtë është Milan Radojçiq, nënkryetar i Listës Serbe, po ashtu pjesë edhe e Listës së Zezë të ShBA-së dhe Mbretërisë së Bashkuar”, shkruan Sveçla në videon e publikuar që po e shfaqim edhe në RTKLive.
https://www.facebook.com/watch/?v=165918599893153
Më shumë storie
FSK në stërvitje të përbashkët me ushtarët amerikanë
Ushtarët e Forcës së Sigurisë së Kosovës janë duke marrë pjesë në një stërvitje ushtarake të përbashkët “JRTC 25-08”, e...
Donald Trump: Gjatë mandatit të parë e ndala shpërthimin e luftës Kosovë-Serbi
Presidenti amerikan, Donald Trump, ka deklaruar se Irani dhe Izraeli duhet dhe do të arrijnë marrëveshje, derisa ka përmendur edhe...
Sërish refuzohet lirimi i ish-krerëve të UÇK-së, avokati: Vendimi është paragjykues
Refuzohet sërish lirimi i përkohshëm për ish-krerët e Ushtrisë Çlirimtare të Kosovës. Pas Jakup Krasniqit, edhe Kadri Veselit dhe Rexhep...
26 vjet nga Marrëveshja e Kumanovës dhe kapitullimi i Millosheviqit
Sot bëhen 26 vjet që nga nënshkrimi i marrëveshjes ushtarako-teknike të Kumanovës, e cila edhe i dha fund luftës në...
Sot bëhen 26 vjet nga fundi i Serbisë në Kosovë
Sot bëhen 26 vjet nga tërheqja e forcave kriminale ushtarake e paramilitare serbe nga Kosova, duke shënuar kështu fundin e...
Serbia paraburgos një muaj ish-policin nga kosova
Ish-zyrtarit policor të Njësisë Speciale Operative, Arbnor Spahiut i cili u ndalua në Serbi, i është caktuar masa e paraburgimit...
Average Rating