Ragmi Mustafi: Serbia po i diskriminon shqiptarët, 60 për qind e adresave janë pasivizuar në Medvegjë
Read Time:57 Second
Politikani shqiptar në Luginë të Preshevës, Ragmi Mustafi, ka thënë se shqiptarët në këtë zonë po diskriminohen nga autoritetet serbe, duke thënë se në institucione publike “numri i shqiptarëve është ose simbolik ose s’ka fare”.
Ai ka thënë të hënën në “60 Minuta” të KTV-së se sipas raporteve, Medvegja është zona më e prekur nga çështja e pasivizimit të adresave .
“Shqiptarët janë margjinalizuar. Çështja e pasivizimit të adresave të shqiptarëve është adresuar edhe në Raportin e Progresit e në raportin e Departamentit Amerikan të Shtetit. Pasivizimi i adresave është vlerësuar si spastrim etnike me mjetet administrative…Diku mbi 6.000 shqiptarëve iu janë pasivizuar adresat, zona më e prekur është ajo e Medvegjës. 60 për qind e shqiptarëve janë pasivizuar në Medvegjë”, ka thënë Mustafi.
Sipas tij, Kosova dhe Shqipëria duhet të kontribuojnë më tepër për shqiptarët në Luginë të Preshevës dhe t’i adresojnë padrejtësitë që po iu bëhen.
Për protestën që u mbajt të hënën kundër diskriminimit të shqiptarëve, Mustafi ka theksuar se do të mblidhen sërish.
“Është e qartë se shqiptarët janë mundur të jenë konstruktivë dhe fleksibil për realizimin e të drejtave…”, ka thënë ai.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating