Ambasada e SHBA-së: Autoblindat po forcojmë kapacitetin mbrojtës të FSK-së
Read Time:1 Minute, 3 Second
Ambasada e Shteteve të Bashkuara të Amerikës në Kosovë është deklaruar pas pranim-dorëzimit të 50 automjeteve të blinduara për siguri (ASV). për Kosovën.
Në një deklaratë zyrtare, Ambasada ka bërë të ditur se këto mjete ushtarake janë dorëzuar në kuadër të Programit për Pajisje të Mbetura të Mbrojtjes (Excess Defense Articles Program).
“Shtetet e Bashkuara kanë kënaqësinë të dorëzojnë 50 automjete të blinduara për siguri (ASV) për Qeverinë e Kosovës,” thuhet në deklaratë.
Sipas ambasadës, Kosova, përmes burimeve të saj të mbrojtjes, do të angazhohet për t’i sjellë këto automjete në gjendje të plotë operacionale, duke e konsideruar këtë si një tjetër hap në përforcimin e kapaciteteve mbrojtëse të Forcës së Sigurisë së Kosovës (FSK).
Edhe Kryeministri në detyrë, Albin Kurti, të premten derisa ka shpërndarë fotografi nga ceremonia e pranim-dorëzimit, ka thënë se ky furnizim i jashtëzakonshëm është një tjetër dëshmi e partneritetit të palëkundur me ShBA-të dhe gjithashtu një hap i rëndësishëm në fuqizimin e kapaciteteve mbrojtëse të vendit tonë.
“Ushtria jonë do të vazhdojë të zhvillohet krahë për krahë me partnerin tonë strategjik, si në aspektin e trajnimeve, ashtu edhe në atë të shkollimit dhe doktrinës e cila është e bazuar në atë të ushtrisë së ShBA-ve”, ka thënë Kurti.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating