Besnik Bislimi: BE-ja nuk po e sheh si po diskriminohen shqiptarët në Luginë të Preshevës
Read Time:42 Second
Zëvendëskryeministri i Kosovës, Besnik Bislimi ka reaguar pas vendimit të Qeverisë së Serbisë që t’i shkurtohet buxheti Këshillit Kombëtar Shqiptar në Luginë të Preshevës.
“Kështu duket minoriteti më i diskriminuar në Evropë. Spastrimi etnik nëpërmjet metodave administrative, tash po vazhdohet edhe me shkurtimin e buxhetit të Këshillit Kombëtar Shqiptar. Por, ndoshta BE-ja ende nuk e sheh këtë si veprim të njëanshëm të Serbisë. Prandaj, nuk ka nevojë për përshtatje dhe nuk ka shqetësim për implikimet për popullatën shqiptare. Kosova dënon padrejtësinë e Serbisë ndaj shqiptarëve në Luginën e Preshevës. Ne qëndrojmë të fortë dhe të vendosur për të luftuar për barazi dhe trajtim të drejtë”, ka shkruar Zëvendëkryeministri në platformën “X”.
Kujtojmë që dje, Ministria për të Drejtat e Njeriut dhe Minoriteteve të Serbisë pa asnjë arsyetim i ka ulur buxhetin Këshillit Kombëtar Shqiptar për 1 milion dinarë.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating