Sindikata e Pavarur e RTK-së dhe SHSRK: Greva pezullohet përkohësisht
Read Time:37 Second
Sindikata e Pavarur e RTK-së dhe Shoqata Sindikale e Radio Kosovës kanë njoftuar se protesta e përgjithshme, e paraparë për nesër, më 5 gusht 2025, do të pezullohet përkohësisht.
Sindikata e Pavarur e Punëtorëve të RTK-së thekson se ky vendim është marrë pas një takimi që përfaqësuesit e sindikatave kanë zhvilluar me ushtruesin e detyrës së drejtorit të përgjithshëm të RTK-së, Hysen Hundozi. Gjatë këtij takimi sindikatat morën sinjale inkurajuese se po punohet për të gjetur një zgjidhje për çështjen e pagave në RTK.
“Ritheksojmë se thirrja për protestë mbetet në fuqi nëse ditëve në vijim nuk kemi një zgjidhje konkrete për problemin financiar të RTK-së. Për çdo zhvillim të mëtejshëm, do të njoftoheni me kohë”, thuhet në njoftim.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating