Memli Krasniqi: Miqësia dhe aleanca me SHBA-të është e shenjtë
Read Time:53 Second
Në kuadër të takimeve që po zhvillon në Shtetet e Bashkuara të Amerikës, kreu i PDK-së, Memli Krasniqi është pritur në një darkë pune nga kongresmenë, ish-kongresmenë, ish-ambasadorë e gjeneralë amerikanë.
“Kongresmenin e Michiganit John Moolenaar, atë të Marylandit Dutch Ruppersberger, të Virginias Ben Cline dhe pjesëmarrësit e tjerë – i njoftova me situatën aktuale politike dhe të sigurisë në Kosovë”, ka shkruar Krasniqi.
Lideri opozitar tha se për Kosovën dhe PDK-në, miqësia dhe aleanca me SHBA-të është e shenjtë.
“Nga miqtë e mirë të Kosovës, të cilët ndjekin me vëmendje zhvillimet në Kosovë, kërkova që të vazhdojnë kontributin e tyre të rëndësishëm për vendin tonë, posaçërisht në këtë periudhë të sfidave të shumta”, derisa ka shtuar se ndihma e miqve amerikanë për garantimin e sigurisë dhe proceseve integruese të Kosovës është më e nevojshme se kurrë më parë.
“Në emër të qytetarëve të Kosovës, së bashku me ish-ambasadorin Ahmet Shala, të gjithë të pranishmit i falënderuam për mbështetjen e tyre historike dhe të vazhdueshme për vendin dhe popullin tonë”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating