Bislimi: Do ti mbështesim në vazhdimësi mediat dhe bashkëatdhetarët tanë në Luginë
Read Time:57 Second
Zëvendëskryeministri i Kosovës, Besnik Bislimi pas pritjes që i bëri përfaqësuesve të mediave në Luginë ka shprehur përkushtimin e tij dhe Qeverisë së Kosovës për mbështetje të mediave por dhe të bashkëatdhetarëve në Luginë të Preshevës
“Nga përfaqësuesit e mediave në gjuhën shqipe nga Lugina e Preshevës u njoftova më së afërmi me fushëveprimtarinë e tyre, për të cilën dhe shprehën shqetësime serioze në lidhje me diskriminimin ndaj shqiptarëve dhe, në veçanti, ndaj mediave shqipe në Luginë” ka deklaruar Bislimi pas takimit
Zëvendëskryeministri Bislimi ka shtuar se në takim me mediat e Luginës ka shprehur “përkushtimin e palëkundur të Qeverisë, për të kontribuar pozitivisht dhe mbështetur bashkatdhetarët tanë në Luginë, në ruajtjen e identitetit, kulturës, traditave e gjuhës”
Kujtojmë se Qeveria e Kryeministrit Albin Kurti, që nga marrja e qeverisjes në Kosovë, në vazhdimësi ka treguar interesim të madh për përkrahjen ndaj qytetarëve shqiptarë të Luginës. Qeveria Kurti për herë të parë ka buxhetuar Luginën e Preshevës me buxhet të rregullt vjetor i cili në çdo vit rritet në sasi.
Zëvendëskryeministri Besnik Bislimi shquhet për angazhim të drejtëpërdrejt në përkushtimin e tij për Luginën e Preshevës dhe qytetarët e saj shqiptar.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating