Ne duhet të fillojmë të festojmë jetën e Kadaresë dhe suksesin që u la pas brezave që do të vijnë
Read Time:1 Minute, 4 Second
Nga Ramiz TAFILAJ
Drejtori i Përgjithshëm i “Gazeta e Alpeve”
Me dhimbjen më të thellë unë dhe bota po mësojmë sot për vdekjen e të pavdekshmit tonë Ismail Kadare. Edhe pse Ismail Kadare nuk do të jetë fizikisht mes nesh, ai do të jetë gjithmonë i pavdekshëm për kombin dhe letërsinë tonë kombëtare.
Kur Shqipëria ishte në anën tjetër të gardhit të hekurt, Ismail Kadare na bëri krenarë me romanet dhe librat e tij, të përkthyer në shumë gjuhë botërore.
Ne të gjithë miqtë e tij të ngushtë si dhe familja e tij dhe mbarë kombi shqiptar sot ndjehemi shumë të lënduar emocionalisht.
Ndërsa kalojmë nëpër këto ditë shumë të errëta për këtë humbje të jashtëzakonshme. Ne duhet të fillojmë të festojmë jetën e tij dhe suksesin që la pas brezave që do të vijnë.
Si mik personal i Ismail Kadaresë dhe si Drejtor i Përgjithshëm i Gazetës së Alpeve, i shprehim ngushëllimet tona të sinqerta familjes, të afërmëve dhe Kombit Shqiptar!
Qofshin të paharruara kujtimet dhe veprat e të madhit dhe të pavdekshëm, Ismail Kadare!
Sinqerisht dhe me dhimbje të thellë,
Ramiz TAFILAJ
Drejtori i Përgjithshëm i “Gazeta e Alpeve”
Huoston-Teksas/SHBA, 1 korrik 2024
(Dy fotot botohen për herë të parë dhe iu përkasin fillim viteve ’90, në Tiranë)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating