APN në Bujanoc, Pajaziti: Orientimi ynë është bashkëpunimi me Qeverinë e Kosovës
Read Time:1 Minute, 0 Second
Kryeministri i Kosovës, Albin Kurti ka pritur sot në takim kryetarin e Alternativës për Ndryshim në Bujanoc dhe udhëheqësin e koalicionit Fronti për Ndryshim Arbër Pajazitin dhe Levent Qazimin raporton rtvpresheva.com
Përmes një postimi në rrjetet sociale, Pajaziti ka bërë të ditur se nga kryeministri Kurti ka pranuar urime për fitoren në zgjedhje dhe se pritja e Kryeministrit ishte e ngrohtë.
“Bashkë me Leventin, sot u pritëm ngrohtësisht nga kryeministri i Republikës së Kosovës, z. Albin Kurti.
Pasi na uroi për suksesin e arritur në zgjedhjet e fundit lokale, me kryeministrin diskutuam rrjedhat aktuale politike në Bujanoc dhe Luginë” ka deklaruar Arbër Pajaziti, kryetar në ardhje i Komunës së Bujanocit
Pajaziti ka theksuar se sa e rëndësishme është mbështetja e Qeverisë së Republikës së Kosovës për Luginën dhe për Bujanocin
“E ritheksuam orientimin tonë për bashkëpunim të patjetërsueshëm me institucionet e Republikës së Kosovës.
Prania e Kosovës në Luginë, veçmas në Bujanoc, është imediate për qëndresën e shqiptarëve në trojet e veta.
Mbështetja e Qeverisë së Republikës së Kosovës është domosdoshmëri dhe nevojë e kohës në të cilën ndodhemi por edhe e sfidave të cilat na presin. Një Kosovë e fuqishme, një Bujanoc stabil” ka përfunduar Pajaziti
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating