Këto ditë doli libri nga shtypi i titulluar “Kujtimet e një Mërgimtari”, Vëllimi II (2025), autor Avdi Beqiri

Read Time:1 Minute, 45 Second

Hysen Ibrahimi – Opinion
Suedi/Förslöv, 04.09.2025

Këto ditë doli libri nga shtypi i titulluar “Kujtimet e një Mërgimtari”, Vëllimi II (2025), autor Avdi Beqiri.

Edhe pse nuk mund të jem fizikisht i pranishëm në këtë ngjarje të rëndësishme kulturore në përurimin e këtij libri, për shkak se ndodhem në Suedi, dëshiroj që përmes këtij opinioni të ndaj mendimin tim për librin e ri të autorit Avdi Beqiri, “Kujtimet e një Mërgimtari”, Vëllimi II (2025). Që nga fjala hyrëse e z. Avdulla Hotit e deri te faqja e fundit, libri më ka lënë përshtypje të thellë.

Autori është shembull i shkrimtarit që jetën në mërgim e ka kaluar duke punuar dhe vepruar për çështjen kombëtare. Një nga veprimet më domethënëse është hapja e shkollës shqipe në Itali, aty ku jeton, duke u kujdesur që fëmijët shqiptarë të mos e harrojnë gjuhën, kulturën dhe traditat tona. Përmes rrëfimeve të tij, Beqiri sjell jo vetëm vështirësitë dhe sakrificat e mërgimit, por edhe gëzimet, sukseset dhe mallin e pashuar për atdheun.

Vetë titulli i librit – “Kujtimet e një Mërgimtari” – përmbledh përjetimet, ndjenjat dhe përvojat e një jete të jetuar larg vendlindjes. Nga njëra anë, mërgimi i detyruar nga pushtuesi serb; nga ana tjetër, përkushtimi për punë, arsim, studim dhe veprimtari kombëtare. Autori ka ditur ta shndërrojë mërgimin në mundësi për të sensibilizuar opinionin ndërkombëtar dhe për të dhënë kontribut në shumë fusha, si një intelektual i vërtetë i çështjes sonë kombëtare.

mërgimtarëve, në veçanti të atyre që luftuan për lirinë dhe pavarësinë e Kosovës.

Pra, “Kujtimet e një Mërgimtari” II është një libër që i jep autorit vendin e merituar si intelektual, arsimtar dhe atdhetar, i cili ka ditur ta dokumentojë jetën e mërgimtarit me mall, ndjenja dhe përkushtim. Miku im Avdi Beqiri, ju përgëzoj për këtë vepër të vlefshme. Me shkrimet tuaja keni shndërruar përvojën e mërgimit në frymëzim dhe udhërrëfim për brezat e ardhshëm.

Ju uroj shëndet, jetë të gjatë dhe shumë vullnet që të vazhdoni edhe më tej në fushën e krijimtarisë letrare dhe publicistike.

Me respekt,

Miku juaj mërgimtar në Suedi,

Hysen Ibrahimi