Vedat Muriqi pas humbjes: Kosova do të kualifikohet një ditë
Read Time:52 Second
Qendërsulmuesi i Kombëtares së Kosovës, Vedat Muriqi, ka shprehur zhgënjimin, por edhe krenarinë pas humbjes ndaj Turqia në finalen e “play-off” për Botërorin 2026.
Kosova është mposhtur minimalisht 0-1 në ndeshjen e zhvilluar të martën në Prishtinë, duke i dhënë fund ëndrrës për kualifikim në Kupën e Botës.
Pas ndeshjes, Muriqi e ka vlerësuar rrugëtimin e skuadrës dhe përkushtimin e lojtarëve.
“Shumë vështirë. Kemi luftuar prej ditës së parë e deri këtu. E nisëm kampanjën me humbje të thellë dhe menduam se nuk ka kthim. Por vazhduam mirë. Unë jam shumë krenar me bashkëlojtarët e mi. Jam shumë krenar që jam ndër kapitenët. Do të kisha dëshirë ta udhëheq ekipin në Amerikë, por fati nuk e deshi”, ka deklaruar ai.
Sulmuesi kosovar ka shprehur besimin se e ardhmja e ekipit kombëtar mbetet premtuese.
“Unë nuk e di a do të jem, por Kosova do të kualifikohet në një kampionat të madh. Kemi pasur shumë raste. Më dhimbset gjithë ekipi, gjithë shteti. Gjithë kjo përkrahje…”, është shprehur Muriqi.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating