Ardita Sinani kritikon Escobarin e Lajçakun që nuk takuan shqiptarët e Luginës së Preshevës
Ardita Sinani, këshilltare e kryeministrit të Kosovës, Albin Kurti, ka kritikuar të dërguarin e SHBA-së për Ballkanin Perëndimor, Gabriel Escobar dhe të dërguarin e BE-së, Miroslav Lajçak se nuk kanë takuar ende të zgjedhurit e shqiptarëve në Republikën e Serbisë.
“I kuptueshëm takimi i fundit me përfaqësuesit serbë të veriut të Kosovës, duke i marrë parasysh zhvillmet. Por e pakuptueshme mungesa e takimeve me të zgjedhurit e shqiptarëve të Luginës së Preshevës”, ka shkruar Sinani në Facebook.
Sipas ish-kryetares së Preshevës, kjo mund të kontribuojë në dërgimin e mesazheve të gabuara për qarqet që po nxisin destabilizimin e gjendjes së sigurisë dhe stabilitetit në Ballkanin Perëndimor.
“Shqiptarët në Luginën e Preshevës në veçanti dhe ata në Serbi në përgjithësi, si komunitet joshumicë, mbeten të diskriminuar dhe të shtypur. Këtë e konfirmojnë me dekada edhe raportet e ndryshme zyrtare të instancave të Bashkimit Evropian dhe të administratave respektive amerikane. Lugina e Preshevës si rajon dhe shqiptarët në Serbi përballen me shumë probleme për shkak të mosnormalizimit të marrëdhënieve Kosovë-Serbi, thekson Sinani.
Këshilltarja e Kurtit, mes tjerash ka thënë se është kundërproduktive që në një proces normalizimi të raporteve midis Kosovës dhe Serbisë të përfshihet çështja e komunitetit joshumicë serb të Kosovës dhe jo edhe çështja e komunitetit joshumicë shqiptar në Serbi.
“Prandaj, z.Escobar dhe z.Lajçak, ju ftoj që të takoni edhe të zgjedhurit e shqiptarëve në Serbi. Për të na dëgjuar. Së paku”, përfundon postimin Ardita Sinani.
Më shumë storie
Tomas Szunyog: BE pret që Kosova e Serbia të zbatojnë marrëveshjen për normalizim
Shefi i Zyrës së BE-së në Kosovë, Tomas Szunyog, ka folur në ‘Forumin për Siguri të mbajtur në Budapest të...
Preshevë: Për nesër është ftuar mbledhja e Organit të përkohshëm, shkarkohen dhe emërohen drejtorët e rinj të institucioneve
Për nesër 26.04.2024 Kryetari i Organit të përkohshëm, Ragmi Mustafa ka ftuar seancën e dytë me 14 pika të rendit...
Von Cramon: Pasivizimi i adresave të shqiptarëve në Luginë të Preshevës të ndalet menjëherë
Eurodeputetja liberale e Parlamentit Evropian, Viola Von Cramon, ka thënë se pasivizimi i adresave të shqiptarëve në Luginën e Preshevës...
James O’Brien kërkon themelimin e Asociacionit dhe zbatimin e marrëveshjeve
Ndihmës Sekretari amerikan i Shtetit për Evropën dhe Euroazinë, James O’Brien, ka kërkuar nga kryeministri i Kosovës, Albin Kurti përparim...
Emanuel Macron bisedë telefonike me Kurtin: Zbatim të plotë të marrëveshjeve
Presidenti i Francës, Emanuel Macron ka zhvilluar një bisedë telefonike me kryeministrin Albin Kurti, ka bërë të ditur Presidenca franceze...
Veprimtari dhe Profesori Ibrahim KADRIU, nga Presheva i Ftuar Nderi në ,,Takimi i Madh i Prishtinës, i 27 prillit 2024″
Ish-Kryetar i Kuvendit për Autonomi të Preshevës, Medvegjës, e Bujanocit, në Referendumin e mbajtur më datën 1 e 2 mars të...
Average Rating