![](http://www.kosovalindore.com/wp-content/uploads/2024/02/Shaip-Kamberi-e-Bardhyl-Canaj2.jpg)
Arifi e Kamberi: Ndërkombëtarizimi i çështjes së Luginës kërkon koordinim
Deputeti shqiptar në Parlamentin e Serbisë, Shaip Kamberi, është takuar me ambasadorin e ri të Republikës së Shqipërisë në Beograd, Bardhyl Canaj, me të cilën ka diskutuar për çështje që kanë të bëjnë me shqiptarët në Luginë të Preshevës.
![](http://www.kosovalindore.com/wp-content/uploads/2024/02/Shaip-Kamberi-e-Bardhyl-Canaj.jpg)
Kamberi ka shkruar në ‘Facebook’, se është e nevojshme që të ketë koordinim në mes të Ambasadës Shqiptare në Beograd me spektrin politik shqiptar në Luginë të Preshevës, për të adresuar çështjet me rëndësi e diskriminimin i cili konstant është eminent.
“Ndërkombëtarizimi i çështjes së Luginës së Preshevës, për të shpërfaqur padrejtësitë me të cilat po përballen shqiptarët e Preshevës, Bujanocit e Medvegjës, kërkon sinkronizim e koordinim mes nesh. Pasivizimi i adresave ishte një tjetër temë e takimit”, ka shkruar Kamberi.
Sipas tij, bashkëpunimi i shkëlqyer me Ambasadën e Republikës së Shqipërisë në Beograd do vazhdojë në betejën tonë konsistente për të drejtat tona kolektive!.
“Implementimi në plotni i Planit 7 pikësh duhet të jetë pikënisje e afirmimit të të drejtave dhe përmirësimit të gjendjes së shqiptarëve në Luginë të Preshevës”, tha Kamberi.
https://www.facebook.com/sh.kamberi/
Ndryshe Ambasadori i ri i Republikës së Shqipërisë në Beograd, Bardhyl Canaj., sot ka vizituar Bujanocin dhe është takuar me kryetarin e komunës, Nagip Arifi, i cili ka shprehur gatishmërinë për të punuar në projekte të përbashkëta për t’i ndihmuar shqiptarët në Bujanoc.
![](http://www.kosovalindore.com/wp-content/uploads/2024/02/Nagip-Arifi-e-Bardhyl-Canaj.jpg)
“Sot pata kënaqësinë e veçantë që në vizitën e tij të parë në Bujanoc ta mirëpres ambasadorin e Republikës së Shqipërisë në Beograd Bardhyl Canaj. E urova ambasadorin për detyrën e re dhe shpreha gatishmërinë që të ndërtojmë agjenda të përbashkëta për të ndihmuar shqiptarët në Bujanoc e në Luginë. Shumë shpejt, do të binjakëzohemi me Bashkinë e Gjirokastrës, që do të na hap rrugën për implementimin e projekteve në sfera të ndryshme”, ka shkruar Arifi në ‘Facebook’. Së fundi Ambasadori i ri i Shqipërisë në Beograd, ka vizituar edhe Preshevën.
![](http://www.kosovalindore.com/wp-content/uploads/2024/02/Nagip-Arifi-e-Bardhyl-Canaj2-1024x576.jpg)
https://www.facebook.com/nagip.arifi
Average Rating