Futbollistët e Kosovës kan shënuar fitore madhështore ndaj Suedisë me rezultat 2:0
Read Time:49 Second
Kosova sot ka shënuar fitore madhështore ndaj Suedisë, duke triumfuar me rezultat 2-0 në stadiumin “Fadil Vokrri”, në kuadër të kualifikimeve për Kupën e Botës 2026.
Pas humbjes ndaj Zvicrës, “Dardanët” u rikthyen fuqishëm duke dhuruar një paraqitje spektakolare nga minuta e parë deri në fund.
Kosova zhbllokoi rezultatin në minutën e 26-të me një goditje të saktë të Elvis Rexhbeçajt, që ndezi atmosferën në stadium.
Vetëm pak minuta më vonë, në minutën e 42-të, Vedat Muriqi pas një kundërsulmi perfekt me Albion Rrahmanin, dyfishoi avantazhin në 2-0.
Edhe në pjesën e dytë, Kosova vazhdoi me lojë të fortë e dinamike. Muslija pati një rast ideal për golin e tretë, ndërsa suedezët u përpoqën të reagonin, por mbrojtja kosovare qëndroi e pathyeshme deri në fishkëllimën finale.
Me këtë fitore, Kosova ngjitet në vendin e dytë të Grupit B me 3 pikë, pas Zvicrës që kryeson me 6. Suedia mbetet në kuotën e 1 pikë, njësoj si Sllovenia e fundit.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating