Lojërat Olimpike, Parisi 2024: Akil Gjakova ndalet në gjysmëfinale

July 29, 2024

Read Time:1 Minute, 17 Second

Xhudisti kosovar, Akil Gjakova, është ndalur në gjysmëfinalen e Lojërave Olimpike Paris 2024.

Në një duel tejet të fortë në kategorinë -75 kg, Gjakova është mposhtur me “Wazzari” në “Golden Score” nga garuesi i Azerbajxhanit, Hidayat Heydarov, i cili është renditur si numri një në botë në këtë kategori.

Paraprakisht Gjakova ka tregour një performancë të shkëlqyeshme gjatë rrugës së tij drejt gjysmëfinales, duke triumfuar në katër duele. Megjithatë, në përballjen e tij me Heydarov, pavarësisht përpjekjeve të tij të mëdha, kosovari nuk ia ka arritur të sigurojë një vend në finale.

Megjithatë, Gjakova ka edhe një munësi të fitojë medaljen e bronztë, pasi në repesazh do të ballfaqohet me japonezin, Soichi Hashimoto.

Xhudisti kosovar Akil Gjakova ka thënë se do të vazhdojë punën për të provuar sërish në Lojërat Olimpike pas katër vitesh, pas humbjes së mundësinë për të fituar medaljen e bronztë në Paris 2024. Në repesazh, Gjakova është mposhtur nga japonezi Soichi Hashimoto.

Më herët, Gjakova ishte ndalur në gjysmëfinale, ku në një duel tejet të fortë në kategorinë -75 kg, është mposhtur me “Wazzari” në “Golden Score” nga garuesi i Azerbajxhanit, Hidayat Heydarov, i cili është renditur si numri një në botë në këtë kategori.

“Nuk u shpërbleva për punën që kam bërë, por tash duhet të kthehem në shtëpi dhe ta vazhdoj punën. Shorti ka qenë i vështirë, gjatë rrugës kam pasur kampionë, por arrita të bëj luftra të mira. Mbetet që të punoj edhe katër vite”, ka thënë Gjakova në një prononcim për RTK.