Masakër në Cetinjë të Malit të Zi me 11 të vrarë, kryeministri Abazoviq shpall tri ditë zie
Read Time:1 Minute, 12 Second
Mali i Zi do të mbajë 3 ditë zie në lidhje me masakrën që ndodhi në qytetin e Cetinjës. 34-vjeçari Vuçko Boriloviq, pas një sherri në familje ka qëlluar me armë zjarri duke vrarë 10 persona, ndërsa ka lënë të plagosur 6 të tjerë. Duke cituar burimet policore, televizioni publik malazez bëri të ditur se të shtënat ndodhën pas një mosmarrëveshjeje brenda një familjeje, ndërsa mes personave të vrarë kishte edhe fëmijë.
Ngjarja e rëndë ndodhi më 12 gusht pak pas orës 16:00 me orën lokale në Cetinjë, një qytet me rreth 18.000 banorë në jugperëndim të Malit të Zi.
Dy persona kanë marrë trajtim në një spital në Cetinjë. Disa të tjerë u sollën në një spital në Podgoricë, sipas raportimeve të lajmeve.
Prokurorja malazeze tha se në vendin e ngjarjes gjeti nëntë trupa. Viktima e dhjetë ka ndërruar jetë në spital, kurse viktima e njëmbëdhjetë është vetë sulmuesi Vuk Boriloviq”, ka shtuar ajo për për të përditshmen Vijesti.
Kryeministri Dritan Abazoviq tha se kjo ngjarje ishte më e rënda në kujtesën kolektive të malazezëve dhe bëri të ditur se qeveria e Malit të Zi do të shpallë tri ditë zie lidhur me ngjarjen e rëndë. “U bëj thirrje të gjithë qytetarëve të Malit të Zi që të qëndrojnë pranë me familjet e viktimave të pafajshme, të afërmit e tyre, miqtë dhe të gjithë qytetarët e kryeqytetit të Cetinjës”, tha Abazoviq në Telegram.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating