Ramush Haradinaj: Kurti mund të rrëshqas në tradhti
Read Time:1 Minute, 0 Second
I ashpër është treguar kreu i AAK-së, Ramush Haradinaj ndaj kryeministrit të Kosovës, Albin Kurti, duke e akuzuar atë se nëse nuk i harmonizon veprimet me kërkesat amerikane, do të rrëshqas në tradhti.
“Nëse kryeministri nuk ndërron kurs të veprimit dhe nuk harmonizohet me kërkesat amerikane menjëherë, ai sigurt se po rrëshqet në tradhti”, ka thënë Haradinaj.
Haradinaj, i cili gjatë ditës kërkoi nga Kurti, t’i dëgjojë kërkesat amerikane për shtyrjen e vendimit për targa për dhjetë muaj, tha se “situata në Kosovë po përkeqësohet nga çasti në çast e Kryeministri nuk e ka idenë se çka po ndodhë me vendin e tij”.
Kreu i AAK-së, ka theksuar se Kosovës i nevojitet një marrëveshje për njohje me Serbinë dhe jo për popullizma.
“Sot i kam kërkuar që urgjentisht të ndërrojë kahje e ta shfuqizojë vendimin e tij për targat e të mos e rrezikojë stabilitetin në vend e në rajon. Kosova ka nevojë për marrëveshje për njohje me Serbinë, e jo për populizma që me to t’i shërojë egot e sëmura Kryeministri”, ka thënë ai.
Qeveria e Kosovës, tashmë ka filluar të lëshojë fletëqortime për qytetarët të cilët nuk i përdorin targat legale të veturave.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating