Sinani: Shqiptarët e Luginës marshojnë më 23 shtator kundër diskriminimit
Read Time:1 Minute, 9 Second
Kryetarja e Komunës së Preshevës, Ardita Sinani, ka bërë të ditur se protesta e shqiptarëve kundër diskriminimit nga Beogradi do të vazhdojë më 23 shtator.
Sinani ka thënë se pas protestës së mbajtur në Bujanoc gjatë gushtit, protesta do të mbahet edhe në Preshevë.
Ajo ka theksuar se do të marshohet kundër diskriminimit, shtypjes dhe shkeljeve që i bëhen shqiptarëve të Luginës së Preshevës.
“Protesta vazhdon. Për identitet e dinjitet!Të marshojmë, të gjithë bashkë. Kundër diskriminimit, shtypjes dhe shkeljeve që i bëhen shqiptarëve të Luginës së Preshevës. Të marshojmë për barazi dhe drejtësi!Në Gusht ishim në Bujanoc, në shtator jemi në Preshevë, për të dëshmuar se jemi një. Problemet tona nuk mund të shtyhen më. Aspak më pak se sa na takon, asnjëherë më shumë, por gjithmonë atë që meritojmë!”, ka shkruar Sinani në ‘Facebook’.
Tutje Sinani ka thënë se do të protestohet edhe për ndërprerjen e pasivizimit të adresave, për njohjen e diplomave, për vende pune dhe për institucione të hapura për të gjithë.
“Për zbatimin e Marrëveshjeve të nënshkruara dhe për përmbushjen e detyrimeve të shtetit ndaj shqiptarëve të Luginës së Preshevës.Për Preshevën me Gjykatë, për institucione ku shqiptarët janë të përfaqësuar!Kjo është për të gjithë ne, për dinjitetin dhe identitetin tonë.Dilni dhe marshoni!”, ka shkruar Sinani.
https://static.xx.fbcdn.net/rsrc.php/v3/ym/r/-RBTFFfbsYr.png
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating